ԵՐԵՎԱՆ, 26 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանն այսօր կառավարության նիստի ժամանակ հայտարարեց, որ անհետ կորածների որոնողական աշխատանքները, գերիների փոխանակումը բացարձակ առաջնահերթություն են։
Загружается новость ... "Лево"
«Այդ խնդիրների վրա աշխատում ենք ամենօրյա ռեժիմով։ Հիմնական բարդությունն այն է, որ այս աշխատանքի արդյունավետությունը, ցավոք, կախված չէ միայն մեզնից։ Զոհվածների ընտանիքների, հաշմանդամություն ստացած այլ խմբերի և քաղաքացիների սոցիալական պաշտպանության երաշխիքների գործունեությունը և հետագա կատարելագործումը մեր հրատապ անելիքների ցանկում են», – ընդգծեց վարչապետը։
Գերիների և անհետ կորածների հետ կապված իրավիճակի մասին
Հայտնի չեն հստակ տվյալներ Արցախի և Հայաստանի քաղաքացիների մասին, որոնք հայտնվել են գերության մեջ կամ համարվում են անհետ կորած։ Համացանցում անընդհատ հայտնվում են տեսանյութեր, որոնցում Ադրբեջանում գերության մեջ գտնվող հայ զինծառայողներն ու քաղաքացիական անձինք ենթարկվում են ծաղրանքի ու տանջանքների։
ՄԻԵԴ–ում հայկական ներկայացուցչությունը կանոնավոր կերպով դիմումներ է ներկայացնում եվրոպական դատարան` պահանջելով Բաքվից տեղեկատվություն տրամադրել գերության մեջ գտնվող ՀՀ քաղաքացիների թվի և վիճակի մասին։
Նոյեմբերի 23–ին փաստաբաններ Արտակ Զեյնալյանն ու Սիրանուշ Սահակյանը, ովքեր Մարդու իրավունքների եվրոպական դատարանում ներկայացնում են հայ ռազմագերիների շահերը,
հրապարակել են 17 գերիների անուններ։–0–