ԵՐԵՎԱՆ, 21 դեկտեմբերի./Նովոստի-Արմենիա/. Ամերիաբանկը բացեց ևս մեկ մասնաճյուղ, այս անգամ Երևանի Մալաթիա-Սեբաստիա վարչական շրջանում և բացման կապակցությամբ մշակել է արտոնյալ պայմաններով հատուկ առաջարկ:
Նոր «Մալաթիա» մասնաճյուղը աշխատելու է Զորավար Անդրանիկի 40/4 հասցեում, երկուշաբթիից ուրբաթ` ժամը 09:30-ից մինչև ժամը 17:00-ը: «Մալաթիա» մասնաճյուղում հաճախորդները կարող են օգտվել բանկային բոլոր ծառայություններից թեˊ օնլայն, թեˊ օֆլայն եղանակով:
Երեքշաբթի Ամերիաբանկի մասնաճյուղի բացման արարողության ժամանակ ներկայացվել է արտոնյալ պայմաններով հատուկ առաջարկ ֆիզիկական և իրավաբանական այն բոլոր անձանց համար, ովքեր կդառնան Ամերիաբանկի հաճախորդ` բացելով հաշիվ «Մալաթիա» մասնաճյուղում մինչև 2022թ. մարտի 31-ը ներառյալ:
Հատուկ առաջարկի պայմանները ֆիզիկական անձանց համար ներառում են.
- Մեկ դեբետային կամ կրեդիտային վճարային քարտ` առանց մեկ տարվա սպասարկման վճարի
- Օնլայն/Մոբայլ բանկինգ ծառայությունների անվճար տրամադրում
- Անվճար հաշիվ` ծառայությունների ողջ փաթեթով
- VISA ստիկեր` տարեկան 1500 ՀՀ դրամ սպասարկման վճար (3000 դրամի փոխարեն)
Հատուկ արշավի պայմաններն իրավաբանական անձանց համար ներառում են.
- Օնլայն/Մոբայլ բանկինգ ծառայությունների տրամադրում` մեկ տարի անվճար սպասարկմամբ
- Ընկերության 2 ղեկավարի համար մեկական վճարային քարտ` առանց մեկ տարվա սպասարկման վճարի
- Business տեսակի քարտի տրամադրում ` առանց մեկ տարվա սպասարկման վճարի
Ինչպես միջոցառման ժամանակ հայտարարեց Ամերիաբանկի մանրածախ բանկինգի տնօրեն Արմա Բարսեղյանը, այս տարի բանկը բացել է արդեն 5 մասնաճյուղ՝ 4-ը Երևանում և 1-ը՝ Հրազդանում:
«Մենք կշարունակենք մեր ցանցի ընդլայնման քաղաքականությունը, ամեն տարի կբացենք 1-2 մասնաճյուղ, որպեսզի բավարարենք բնակչության պահանջներն այնտեղ, որտեղ կենտրոնացված են մեր հաճախորդները», - ասաց նա:
Բարսեղյանը նշեց, որ բանկի մասնաճյուղերում գործարքների 10 տոկոսից պակասն է իրականացվում, բայց քանի որ հաճախորդների բազան անընդհատ ընդլայնվում է, տարեկան 1-2 մասնաճյուղ բացելու անհրաժեշտություն լինում է։
Ամերիաբանկի մասնաճյուղային և կոնտակտային կենտրոնի ղեկավար Անդրանիկ Խաչատրյանն իր հերթին նշեց, որ այս մասնաճյուղն առաջինն է Մալաթիա-Սեբաստիա վարչական շրջանում, Հայաստանում ընդհանուր առմամբ գործում է Ամերիաբանկի 23 մասնաճյուղ:
Ամերիաբանկի մասին
Ամերիաբանկը Հայաստանի դինամիկ զարգացող բանկերից է, դասվում է երկրի ամենակայուն և խոշոր ֆինանսական հաստատությունների շարքին և ունի հստակ ձևակերպված թվայնացման օրակարգ: Հանդիսանալով առաջին ներդրումային բանկը Հայաստանում՝ Ամերիաբանկը տրամադրում է նորարար բանկային ծառայությունների լայն փաթեթ: «Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: 2021 թվականի առաջին եռամսյակի արդյունքներով Ամերիաբանկը ՀՀ բանկային համակարգի առաջատարն է հիմնական ֆինանսական ցուցանիշներով (ակտիվներ, պարտավորություններ, վարկային պորտֆել, կապիտալ): Ամբողջական տեղեկատվության համար կարող եք այցելել www.ameriabank.am կայք կամ զանգահարել (+37410) 56 11 11 հեռախոսահամարով:-0-
