ԱԺ–ն առաջին ընթերցմամբ ընդունեց ինքնագլորների արգելքի և կանոնների սահմանափակումների նախագիծը
ԵՐԵՎԱՆ, 10 սեպտեմբերի․/Նովոստի–Արմենիա/․ ԱԺ–ն առաջին ընթերցմամբ հավանություն է տվել Հայաստանում ինքնագլորների շահագործման սահմանափակումների նախագծին։
Ինքնագլոր վարելը թույլատրվելու է 18 տարեկանից բարձր քաղաքացիներին կամ 16 տարեկանից բարձր անձանց, սակայն «AM» կարգի վարորդական իրավունքի վկայականով (մոպեդների, սկուտերների համար): Մինչև 18 տարեկան անձինք ինքնագլորներից կկարողանան օգտվել միայն հատուկ գոտիներում, որոնք սահմանում է քաղաքապետը։
Բացի այդ, նախագիծը պահանջում է սաղավարտների պարտադիր կրում։ Այն դեպքերում, երբ սաղավարտ չկա կամ ամրացված չէ, նախատեսվում է տուգանք 7 հազար դրամի չափով։
Առաջարկվում է նաև պահանջներ մտցնել ինքնագլորների տեխնիկական հագեցվածության նկատմամբ, մասնավորապես՝ դրանց վրա պետք է տեղադրվեն արագաչափեր, իսկ դրա բացակայության դեպքում վարձակալող ընկերությունը կտուգանվի 29 հազար դրամով, այս պահանջը պետք է ուժի մեջ մտնի 2025 թվականի սեպտեմբերից։
