Երևան է բերվել աղբարկղերի նոր խմբաքանակ (ՖՈՏՈ)

ԵՐԵՎԱՆ, 24 հուլիսի. /Նովոստի-Արմենիա/. Երևան է բերվել լեհական արտադրության աղբարկղերի նոր խմբաքանակ:

Ինչպես Facebook-ի իր էջում գրել է Երևանի քաղաքապետարանի տեղեկատվության վարչության պետ Հովսեփ Կուբատյանը, քաղաքապետարանի կողմից ձեռք է բերվել թվով 192 հատ աղբարկղ: «Օգոստոսի կեսերին աղբարկղերի քանակը կկազմի 2200 հատ։ Սանիթեքը պայմանագրով պարտավոր է ապահովել 16 000 աղբարկղ, սակայն փաստացի այդ թիվը այսօր կազմում մոտ 4500 հատ», - նշել է Կուբատյանը:

Ավելի վաղ Երևանի քաղաքապետ Հայկ Մարությանը դժգողություն է հայտնել Sanitek ընկերության գործունեության կապակցությամբ` նշելով, որ երևանցիներն այլևս չեն հանդուրժի նման որակի աշխատանք:

Այս տարվա գարնանը Sanitek ընկերությունը տուգանվել է 13 մլն և 26 մլն դրամով մայրաքաղաքում աղբահանության ոլորտում պարտավորությունները չկատարման պատճառով: