Ոստիկանությունը շրջապատել է ՀՀ վարչապետի շենքի մոտ հավաքված ցուցարարներին
18.04.2018,
23:18
Նիկոլ Փաշինյանը Հանրապետության հրապարակում կազմակերպված հանրահավաքի ավարտից հետո իր համակիրների հետ շարժվել է դեպի Բաղրամյանի պողոտա` ՀՀ վարչապետի նստավայր։
ԵՐԵՎԱՆ, 18 ապրիլի./Նովոստի–Արմենիա/. Ոստիկանության ուժեղ հերթապահություն է սահմանվել ՀՀ վարչապետի նստավայրի մուտքի մոտ։
«Ելք» խմբակցության առաջնորդ Նիկոլ Փաշինյանը Հանրապետության հրապարակում կազմակերպված հանրահավաքի ավարտից հետո իր համակիրների հետ շարժվել է դեպի Բաղրամյանի պողոտա` ՀՀ վարչապետի նստավայր։
Փաշինյանն առաջարկել է համակիրներին ողջունել ոստիկաններին ու հարգալից վերաբերմունք ցուցաբերել։
Ոստիկանները զինված են վահաններով։ Միջադեպի վայրում է Երևանի փոխոստիկանապետ Վալերի Օսիպյանը։
Իրավապահներն արգելափակել են նաև Բաղրամյանի պողոտայի և Պռոշյան փողոցի խաչմերուկը։–0–
Պատճենել հղումը
