Ոսկերիչների փողոց է հայտնվել Երևանում

ԵՐԵՎԱՆ, 21 դեկտեմբերի. /Նովոստի–Արմենիա/. Ոսկերիչների փողոց է հայտնվել Հայաստանում Երևանի քաղաքապետ Տարոն Մարգարյանի հրամանագրին համապատասխան, հայտնում է «Մերիդիան» տնտեսական ազատ գոտու մամուլի ծառայությունը։

«Սա աշխարհում նմանը չունեցող որոշում էր` ի պատասխան Հայ ոսկերիչների համաշխարհային ասոցիացիայի դիմումին։ Խորհրդանշական է, որ հենց այդ փողոցում (Կաշվեգործների նախկին փողոց) է գտնվում Ազատ տնտեսական գոտու ոսկերչական շենքերի համալիրը»,– ասվում է մամուլի հաղորդման մեջ։

Հենց այդ փողոցում 2016 թվականի հոկտեմբերի վերջին համանուն էքսպո կենտրոնում կկայանա CIBJO համաշխարհային ոսկերչական համադաշնության ամենամյա կոնգրեսը։ «Հինգ օրվա ընթացքում Երևանը կվերածվի ոսկերչական համաշխարհային մայրաքաղաքի, այստեղ կժամանեն ավելի քան 40 ազգային ընկերությունների, միջազգային ճյուղային ասոցիացիաների ղեկավարներ և համաշխարհային ոսկերչական ապրանքանիշների սեփականատերեր»,– հայտնում է ԱՏԳ–ի մամուլի ծառայությունը։

Քննարկումների արդյունքներով, որոնք կկայանան այս հեղինակավոր համաժողովի շրջանակում, ոսկերչական ճյուղի համար կարևորագույն որոշումներ կընդունվեն։

Ոսկերչական համաշխարհային ճյուղի` Երևան ժամանող բարձրաստիճան ներկայացուցիչների համար հաճելի անակնկալ կդառնա այն փաստը, որ Հայաստանում հոկտեմբերի վերջին կիրակի օրն անցկացվում է Ոսկերչի օրվա բացառիկ ազգային տոնը։

«Մերիդիան» ԱՏԳ–ն ոսկերչական իրերի, ժամացույցների և ալմաստի մշակման արտադրության կլաստերային ենթակառուցվածքի բացառիկ հարթակ է։ Արտադրության և գրասենյակների մակերեսը գերազանցում է 25 հազ. Քառակուսի մետր։

ԱՏԳ–ն իր ռեզիդենտներին է առաջարկում հետևյալ առավելությունները`կապիտալի, շահույթի և դիվիդենդների ազատ հայրենադարձում, արժութային սահմանափակումների բացակայություն, ոսկերչական հատվածի պետական օժանդակություն արդյունաբերական ռազմավարության գերակայության տեսքով, «մեկ պատուհանի» ռեժիմ, Հայաստանում ոսկերչության հարուստ ավանդույթները և որակավորված և մատչելի աշխատուժի առկայություն։ Ռեզիդենտներն իրենց գործունեության ընթացքում ԱՏԳ տարածքում կազատվեն բոլոր հարկերից, բացի եկամտահարկից։ -0-