ԵՐԵՎԱՆ, 21 ապրիլի. /Նովոստի Արմենիա/. «Ելք» ընդդիմադիր խմբակցության առաջնորդ, «Քաղաքացիական պայմանագիր» կուսակցության ղեկավար Նիկոլ Փաշինյանը պատասխանել է Սերժ Սարգսյանի քաղաքական երկխոսության կոչին:
Հիշեցնեն, որ Հայաստանի վարչապետ Սերժ Սարգսյանը հանդես է եկել հայտարարությամբ քաղաքական երկխոսության կոչ անելով Նիկոլ Փաշինյանին ՝ անդառնալի կորուստներից խուսափելու նպատակով:
Загружается новость ... "Лево"
Նիկոլ Փաշինյանը արձագանքել է կոչին՝ նշելով, որ ինքն էլ է կարծում, որ կարող են լինել անդառնալի կորուտսներ:
«Դրա համար Սերժ Սարգսյանին կոչ եմ անում անհապաղ ընդունել մեր բոլոր պայմանները: Պատրաստ ենք քննարկել միայն իր հեռացման հարցը: Մենք ուզում ենք, որ իշխանության փոխանցումը ժողովրդին տեղի ունենա մաքսիմալ անցնցում»,- ասել է Փաշինյանը:
Նա նշել է նաև, որ ինքնուրույն որոշումներ չի կարող կայացնել, քանի որ որոշումները կայացնում է ժողովորդը: «Երեկ, երբ նրանք լսեցին իշխող կուսակցության ներկայացուցիչների երկխոսության առաջարկի մասին, վանկարկեցին «ուշ է, ուշ է», -ասել է Փաշինյանը՝ հավելելով, որ Մարտի 1-ը չի կարող կրկնվել:
«Մի՞թե չի երևում, որ չկա որևէ եզր նախկինում տեղի ունեցած իրադարձությունների հետ, մի պարզ բան՝ այդ բոլոր ձեր ասած իրավիճակներում կային նախագահների թեկնածուներ, որոնց հանրության մի մասը սիրում էր, մի մասը՝ ոչ, իսկ այստեղ ամեն մարդ պայքարում է իր ընտանիքի արժանապատվության համար», - ասել է Փաշինյանը. Նա նաև կոչ է արել ԱԱԾ-ի պետին, ՀՀ ոստիկանապետին գնալ և զեկույցել ՀՀ-ում ստեղծված իրավիճակը:-0-
