ՀԸ-ները բավարար ակտիվ չեն լուսաբանել հանրաքվեի քարոզչության մամուլի ասուլիսները. փորձագետ

ԵՐԵՎԱՆ, 11 դեկտեմբերի. /Նովոստի–Արմենիա/.Հեռուստաընկերությունները բավարար ակտիվություն չեն ցուցաբերել սահմանադրական հանրաքվեի քարոզչության ընթաքում  կայացած մամուլի ասուլիսները, ուրբաթ լրագրողներին հայտնեց Խոսքի ազատության կենտրոնի ղեկավար Աշոտ Մելիքյանը:

Կենտրոնը հոկտեմբերի 26-ից դեկտեմբերի 4-ը մշտադիտարկում է անցկացրել  սահմանադրական բարեփոխումների հանրաքվեի քարոզչության ընթացքում հեռուստաընկերություններով քաղաքական և հասարակական գործիչների մամուլի ասուլիսների լուսաբանման ուղղությամբ:

Մշտադիտարկումն իրականացվել է «ԱՐ», «Արարատ», Արմենիա», «Արմնյուզ», «Երկիր մեդիա», «Կենտրոն», «Հայաստանի հանրային հեռուստատեսություն», Հ2, Հ3 և «Շանթ» հեռուստաընկերությունների շրջանում:

Նա նշեց, որ մշտադիտարկման ընթաքում ուսումնասիրվել է հանրաքվեին վերաբերվող  110 մամուլի ասուլիս, որոնց մասնակցել են  ամենատարբեր քաղաքական ուժերի, հասարակական շարժումների և կազմակերպությունների 172 ներկայացուցիչ:

«Այդ ասուլիսներում ակնհայտ ակտիվություն ցուցաբերել է Հայաստանի հանրապետական կուսակցությունը (ՀՀԿ): ՀՀԿ-ի ներկայացուցիչները մասնակցել են 39 մամուլի ասուլիսների: Եթե համեմատենք այս ցուցանիշը  այլ քաղաքական ուժերի մասնակցության ակտիվությոան հետ, ապա կարելի է ասել, որ նրանք` բոլորը միասին 1.5 անգամ քիչ են մասնակցել ասուլիսներին»,-ասաց Մելիքյանը:

Նա ընդգծեց, որ հեռուստաընկերությունների հեռարձակողները բավարար ուշադրություն չեն հատկացրել մամուլի ասուլիսների լուսաբանմանը: Մելիքյանը նշեց, որ այդ մամուլի ասուլիսներին առավել անդրադարձել  է  «Կենտրոնը»` քորոզչության ընթացքում մասնակցելով 65 մամուլի ասուլիսի, որոնցից լուսաբանել է 55-ը, համեմատաբար պասիվ են եղել «Արմենիա» և «Արմնյուզ» հեռուսաընկերությունները:

Բազմաթիվ դեպքեր են արձանագրվել, երբ նկարահանող խումբը մասնակցել է այսուայն մամուլի ասուլիսին, սակայն չի լուսաբանել:

Դեկտեմբերի  6–ին Հայաստանում անցկացվեց սահմանադրական բարեփոխումների հանրաքվեն, որով նախատեսվում է անցում կատարել խորհրդարանական իշխանավարման։ Ընդդիմությունը հայտարարում է քվեարկության ընթացքում գրանցված բազմաթիվ կեղծիքների մասին իսկ իշխանությունները նշում են, որ խախտումները չեն կարող ազդել վերջնական արդյունքների վրա։ ԿԸՀ–ի նախնական տվյալներով` սահմանադրական բարեփոխումներին կողմ է քվեարկել ընտրողների 63,35 տոկոսը, դեմ` 32,35 տոկոսը։-0-