Մեքենա` սեփական նստատեղով. Հայաստանը կարող է փոխել երեխաների տարիքը, որոնց համար քարսիթի օգտագործումը պարտադիր կլինի

ԵՐԵՎԱՆ, 22 հունվարի./Նովոստի–Արմենիա/. ՀՀ արդարադատության նախարարությունն առաջարկել է օրենսդրական փոփոխություններ, որոնց համաձայն, ավտոմեքենաներում մանկական նստատեղերի (քարսիթ) օգտագործումը կդառնա պարտադիր։

«Ճանապարհային երթևեկության անվտանգության մասին» օրենսդրական նախագծի համաձայն, առաջարկվում է երեխաներին ավտոմեքենա նստեցնել միայն հատուկ մանկական նստատեղերում, որոնք համապատասխանում են իրենց տարիքային և քաշային կատեգորիային։

Միաժամանակ նախատեսվում է, որ այդ պայմանը պարտադիր կլինի մինչև 12 տարեկան երեխաների համար, ընդ որում ավելի վաղ օրենքով միայն նախատեսված էր, որ երեխաները պետք է պարտադիր կապված լինեն ամրագոտիով։

Առաջարկվում է նաև արգելել մինչև 12 տարեկան երեխաների տեղափոխումը մոտոցիկլի հետևի նստատեղում, ինչպես նաև բեռնատար մեքենայի թափքում (բացառությամբ ֆուրգոնային թափքով մեքենաների)։–0–