ԵՐԵՎԱՆ, 28 օգոստոսի. /Նովոստի–Արմենիա/. ՀՀ ԱԻՆ ՓԾ ճառագայթային, քիմիական և կենսաբանական իրավիճակների մոնիտորինգի խումբն ուսումնասիրել է «Նաիրիտում» բռնկված հրդեհի վայրը և ներկայացրել է մանրամասներ այրվող նյութի մասին։
«Իրականացված քիմիական մոնիտորինգի արդյունքում պարզվել է, որ այրվող նյութում չկան որևէ վտանգավոր քիմիական տարրեր։ Այրվում է լաքէթինոլ, որը ձեռնարկության գործունեության թափոնների արդյունքն է», – երկուշաբթի լրագրողներին դեպքի վայրում ասաց ՀՀ ԱԻՆ Ճառագայթային, քիմիական և կենսաբանական իրավիճակների մոնիտորինգի խմբի ղեկավար, գնդապետ Վալերի Բագիյանը։
Загружается новость ... "Лево"
Նրա խոսքով, այս նյութը կարող է ինքնաբռնկվել բարձր ջերմաստիճանի պայմաններում։
«Նաիրիտում» նմանատիպ դեպք է գրանցվել նաև 2009 թ.–ին։
Հրդեհը բռնկվել էր լաքէթինոլով լի երկու ռեզերվուարներում 2009 թ.–ի դեկտեմբերին։ Այն մեկուսացվել էր նույն օրը, սակայն ռեզերվուարներից մեկում ինքնաբռնկման պատճառով հրդեհի վերջնական մարման աշխատանքները տևեցին երեք օր։
«Մենք հրդեհի վայրից գտնվում ենք 50 մետր հեռավորության վրա և չենք կիրառում շնչուղիների պաշտպանության հատուկ միջոցներ, քանի որ դրանց անհրաժեշտությունը չկա, այս նյութը վտանգավոր չէ բնակչության համար», – վստահեցրեց Բագիյանը։
Նա նաև նշեց, որ բռնկման օջախների մոտ աշխատող հրշեջները զգացել են թթվածնի պակաս և շմոլ գազ արտանետում։
«ԱԻՆ–ը հիմա բազմաթիվ ահազանգեր է ստանում բնակչությունից հնարավոր հետևանքների և սպառնալիքների մասին։ Ուզում եմ օգտվել առիթից և զգուշացնել, որ այս նյութն առողջությանը որևէ վտանգ չի ներկայացնում», – ասաց Բագիյանը։
Նա նաև տեղեկացրեց, որ մինչև Հայաստանի անկախության ճանաչումը լաքէթինոլի տեսքով թափոնները դուրս էին բերվում երկրից, մասնավորապես ` Սանկտ Պետերբուրգ, որտեղ օգտագործվում էին որպես ծածկող լաք նավաշինության ոլորտում։
Օգոստոսի 28-ին ժամը 13:10-ին ահազանգ է ստացվել, որ Երևան քաղաքի «Նաիրիտ» գործարանի տարածքում պայթյունի ձայն է լսվել և հրդեհ է բռնկվել:
Հրդեհի բարդության «թիվ 3» կանչով դեպքի վայր են մեկնել տասներկու մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը:
Ժամը 14:00-ի սահմաններում հրդեհը մեկուսացվել է, կրակի տարածման վտանգ չկա, այրվող նյութը վտանգ չի ներկայացնում։–0–
