Հայտնի է դարձել Պոլիտեխնիկի բակում պայթուցիկանման սարք տեղադրողի ինքնությունը

ԵՐԵՎԱՆ, 29 դեկտեմբերի. /Նովոստի Արմենիա/. Ձեռնարկելով օպերատիվ հետախուզական միջոցառումներ Ազգային անվտանգության ծառայությանը պարզել է դեկտեմբերի 25-ին Երևանի Տերյան փողոցում գտնվող Ճարտարապետաշինարարական համալսարանի բակում պայթուցիկանման սարք տեղադրողի ինքնությունը։

Ինչպես հայտնում է shamshyan.com-ը, պարզվել է, որ այն տեղադրել է Երևանի բնակիչ՝ 42-ամյա Արամայիս Գևորգյանը։ Վերջինս աշխատում է Երևանի Խաչատուր Աբովյանի անվան մանկավարժական համալսարանի գեղարվեստական ֆակուլտետում՝ որպես դասախոս։

Ըստ աղբյուրի տեղեկությունների, նա տվել է խոստովանական բացատրություն ոստիկանության Կենտրոնական բաժնի հետաքննչական բաժանմունքում և բաց է թողնվել։

Հիշեցնենք, որ դեկտեմբերի 25-ին արտակարդ դեպք էր տեղի ունեցել Երևանում։ Ժամը 10։30-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել, որ Տերյան փողոցում գտնվող Ճարտարապետության և շինարարության ազգային համալսարանի տարածքում հայտնաբերել է կասկածելի արկղ։ Իրավապահները հայտնաբերել էին կասկածելի արկղ, որի վրա գրված էր ռեկտորի ազգանունը։-0-