Երեքշաբթի` հոկտեմբերի 17–ի առավել ուշագրավ նորությունները

ԵՐԵՎԱՆ, 18 հոկտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` հոկտեմբերի 17–ի առավել ուշագրավ նորությունների սեփական տարբերակը։

• Հոկտեմբերի 16–ի լույս 17–ի գիշերը Հայաստանի տարածքում ուժգին քամի էր գրանցվել, ինչի հետևանքով հանրապետության մի շարք շրջաններում գրանցվել էին վնասներ։

• Ավարտվել են Երևան–Սևան միջպետական նշանակության ավտոճանապարհի հիմնանորոգման աշխատանքները։ Ճանապարհը նորոգվել է ռեկորդային կարճ ժամկետներում։

• ԱՀԿ–ն զգուշացնում է գրիպի ենթատեսակներից մեկի ակտիվացման մասին։

• Հայաստան է բերվել ամբողջովին նոր, բարձրակարգ և ժամանակակից էլեկտրագնացք։ Երկու վագոնից կազմված էլեկտրագնացքն ունի 129 նստատեղ, կահավորված է հարմարավետ աթոռներով։ Ունի օդափոխման, մանրէազերծման, հակահրդեհային համակարգեր, վթարային ելքի պատուհաններ, տեղեկատվություն ներկայացնող էկրաններ։–0–