Եղանակն անակնկալ կմատուցի հայաստանցիներին Մարտի 8–ին

ԵՐԵՎԱՆ, 7 մարտի. /Նովոստի–Արմենիա/. Մարտի սկզբի համար անսովոր ջերմաստիճան է սպասվում առանձին մարզերում մարտի 8–ին։

Հայպետհիդրոմետի հաղորդմամբ, տոնական օրը` Մարտի 8–ին, Սյունիքի հովիտներում ցերեկային ժամերին օդի ջերմաստիճանը կհասնի +20...+24–ի։ Արարատում, Արմավիրում, Վայոց Ձորի նախալեռներում և Արցախում մարտի 8–ին կանխատեսվում է +17...+21, Տավուշում, Արագածոտնի և Սյունիքի նախալեռներում, ինչպես նաև Երևանում` +17...+20։

Միաժամանակ, մարտի 7–ի ցերեկը, մարտի 8–ին, 10–ի ցերեկը և մարտի 11–ին սպասվում է պարզ և չոր եղանակ։ Երկրի բոլոր մարզերում սպասվում են տեղումներ մարտի 9–ին և 10–ի գիշերը։

Քամին կլինի հարավ–արևմտյան` 3–8 մ/վ արագությամբ, մարտի 8–ին և 9–ին առանձին շրջաններում հնարավոր է քամու ուժգնացում մինչև 15–20 մ/վ։–0–