ԵՐԵՎԱՆ, 21 նոյեմբերի. /Նովոստի-Արեմենիա/. Իրանի նկատմամբ ԱՄՆ-ի նոր պատժամիջցները չեն կարող ազդել հայ-իրանական բազմամյա տնտեսական համագործակցության վրա, չորեքշաբթի մամուլի ասուլիսում հայտարարել է էներգետիկ ենթակառուցվաքների և բնական պաշարների նախարարի պաշտոնակատար Գարեգին Բաղրամյանը:
Ըստ նրա, Վաշինգտոնում հասկանում են Երևանում այլընտրանքի բացակայության մասին: «Մի քանի օր առաջ մենք հանդիպել ենք ԱՄՆ Պետքարտուղարության ներկայացուցիչների հետ, ներկայացրել ենք Հայաստանի` Թուրքիայի և Ադրբեջանի կողմից շրջափակման իրավիճակը և նշել ենք, որ Հայաստանի և Իրանի միջև էներգետիկ համագործակցությունը պահպանվել և ամրապնդվել է անգամ նախկին պատժամիջոցների ժամանակ», - ասաց նա:
Բաղրամյանը նշեց, որ Իրանի հետ էներգետիկ համագործակցությունն անհրաժեշտ է Հայաստանին համակարգում էներգետիկ հավասարակշռության պահպանման, իչպես նաև Հայկական ատոմակայանի անխափան աշխատանքի ապահովման համար:
«Իրանի հետ էլեկտրական գծերը շատ կարևոր են մեզ համար, և ամերիկյան կողմը հասկանում է, որ հայ-իրանական համագործակցության մասով որևէ խնդիր չի կարող լինել», - ասաց նա:
Հայաստանի և Իրանի միջև կառուցվում է նոր` երրորդ բարձր լարման էլեկտրագիծ` 400 կՎտ հզորությամբ (ֆինանսավորվում է Իրանի կառաարության կողմից), որը թույլ կտա ներկա 350 մՎտ հզորությունից երեք անգամ ավելացնել թողունակությունը Հայաստանի և Իրանի միջև էլեկտրաէներգիայի հոսքերի համար:
ԱՄՆ–ն 2018 թ.–ի նոյեմբերի 5–ին ամբողջ ծավալով վերսկսել է պատժամիջոցների գործարկումն Իրանի նկատմամբ, որոնք չեղյալ էին հայտարարվել 2016 թ.–ին Իրանական միջուկային ծրագրով գործողությունների համատեղ համապարփակ պլանի ընդունման արդյունքում։
2018 թ.-ի մայիսին Սպիտակ տան ղեկավար Դոնալդ Թրամփը հայտարարել է ԱՄՆ-ի համաձայնագրից դուրս գալու մասին, մինչև նաև նա քննադատել էր միջուկային գործարքը: ԱՄՆ նախագահը խոստացել էր ոչ միայն վերականգնել նախկին, այլ նաև նոր պատժամիջոցներ սահմանել Թեհրանի նկատմամբ:-0-