Երևանում ավարտվել է հանրահավաքի մասնակիցների երթը

ԵՐԵՎԱՆ, 4 դեկտեմբերի. /Նովոստի–Արմենիա/. Սահմանադրական բարեփոխումների դեմ կազմակերպված հանրահավաքի մասնակիցների երթն ավարտվել է Կենտրոնական ընտրական հանձնաժողովի շենքի մոտ։

Ինչպես հաղորդում է «Նովոստի–Արմենիա» գործակալության թղթակիցը դեպքի վայրից, երթը մեկնարկել էր Ազատության հրապարակից, որտեղ դեկտեմբերի 1–ից կազմակերպվել է «Նոր Հայաստան» ընդդիմադիր ճակատի ակտիվիստների անժամկետ նստացույցը։

Ցուցարարները քայլել են կենտրոնական փողոցներով` դեպի Բաղրամյան պողոտա (որտեղ գտնվում է ՀՀ նախագահի նստավայրը), սակայն նրանց ճանապարհը փակել են ոստիկանության աշխատակիցները։

Երթի ընթացքում ցուցարարները կոչ են արել միանալ իրենց։ Ավելի վաղ, ոստիկանությունը թույլ չէր տվել ցուցարարներն վրաններ տեղադրել Ազատության հրապարակում։

Սահմանադրական բարեփոխումների հանրաքվեն կանցկացվի դեկտեմբերի 6–ին։ Բարեփոխումներով նախատեսվում է անցում կատարել խորհրդարանական իշխանավարման։–0–