ԱՆ. քննարկվում է Տուլայի ՃՏՊ–ի հետևանքով տուժածներից ևս մեկի` Երևան տեղափոխելու հարցը

ԵՐԵՎԱՆ, 18 նոյեմբերի. /Նովոստի–Արմենիա/. Երևան–Մոսկվա ուղևորվող ավտոբուսի վթարի հետևանքով տուժածներից չորսը շարունակում են բուժում ստանալ Ռուսաստանի Դաշնությունում։

Ինչպես հաղորդում է ՀՀ առողջապահության նախարարության մամուլի ծառայությունը, քննարկվում է կլինիկական հիվանդանոցի վնասվածքաբանության բաժանմունքում բուժում ստացող հիվանդի` Երևան տեղափոխելու հարցը:

Մոսկվայի Սկլիֆոսովսկու անվան անհետաձգելի բուժօգնության քաղաքային գիտահետազոտական ինստիտուտի վերակենդանացման բաժանմունքում բուժվող երկու տուժածից մեկը տեղափոխվել է հիվանդասենյակ, քննարկվում է նրա երկրորդ վիրահատության հարցը: 

«Տուլայի շրջանային կլինիկական հիվանդանոցում բուժում ստացող երկու հիվանդից մեկը վերակենդանացման բաժանմունքից տեղափոխվել է նյարդավիրաբուժական», – նշվում է հաղորդագրության մեջ։

Այս պահի դրությամբ` ՀՀ ԱՆ «Սուրբ Գրիգոր Լուսավորիչ» բժշկական կենտրոնում բուժումը շարունակում է վթարից տուժած 3, իսկ Երևանի պետական բժշկական համալսարանի թիվ 1 Համալսարանական հիվանդանոցում 1 հիվանդ:

Տուլայի դատախազությունը ներկայացրել է Երևան ընթացող ավտոբուսի վթարի հիմնական վարկածը>>

Նոյեմբերի 3–ի լույս գիշերը Մոսկվա–Երևան ուղևորվող ավտոբուսը կողաշրջվել է Տուլայի մարզի Ուզլովայա շրջանում։ «Կինգ Դելյուքս» ՍՊԸ-ին պատկանող ավտոբուսում եղել է 63 մարդ: Վթարի հետևանքով զոհվել է 9 մարդ, 30 հոգի ստացել են տարբեր կարգի վնասվածքներ։ Բոլոր ուղևորները Հայաստանի քաղաքացիներ են։–0–