436.74
4.42
403.98
0
Եղանակը Երևանում
Հայ

Սահմանամերձ գյուղերի երեխաներն այցելել են Beeline-ի Կապի թանգարան

17:42
07 Նոյեմբերի 2016
ԵՐԵՎԱՆ, 7 նոյեմբերի. /Նովոստի-Արմենիա/. «ԱրմենՏել» ՓԲԸ-ն (ապրանքանիշը` Beeline), «Հայրենիքի դարպասներ» սոցիալական հասարակական կազմակերպության հետ համատեղ, սահմանամերձ գյուղերի երեխաների և պատանիների համար կազմակերպել է շրջայց Beeline-ի Կապի թանգարան, Հաճախորդների սպասարկման կենտրոն, ինչպես նաև Երևանի «Թումո» ստեղծարար տեխնոլոգիաների կենտրոն։

Ինչպես նշեցին ընկերության մամուլի ծառայությունից, շրջայցը կազմակերպվել է Beeline-ի, «Հայրենիքի դարպասներ» ՀԿ–ի և «Թումո» ստեղծարար տեխնոլոգիաների կենտրոնի համատեղ ծրագրի շնորհիվ, որի շրջանակում ավելի քան 70 երեխա Տավուշի մարզի 12 սահմանամերձ համայնքներից 2015թ–ից ի վեր այցելում են Դիլիջանում գտնվող «Թումո» կենտրոն և մասնակցում անիմացիայի, ֆիլմերի, խաղերի ստեղծման, կայքերի մշակման և գրաֆիկական դիզայնի դասընթացների։

Beeline Կապի թանգարանում աշակերտները ծանոթացել են Հայաստանում կապի զարգացման պատմությանը, մեր երկրում ներդրված կապի ժամանակակից տեխնոլոգիաներին, ինչպես նաև հայ կապավորների կյանքի հետաքրքիր էջերին։ Պատանիները նաև ծանոթացել են ընկերության հաճախորդների սպասարկման կենտրոնի օպերատոների աշխատանքներին։

«Beeline–ը շարունակում է իրականացնել այնպիսի ծրագրեր, որոնք օգնում են երիտասարդներին իրենց ուժերով փոխել կյանքը դեպի ավելի լավը։ Այսօր դուք կբացահայտեք Հայաստանում կապի զարգացման պատմության մասին շատ հետաքրքիր փաստեր, կիմանաք հայ կապավորների գործած սխրանքների մասին և գործնականում կծանոթանաք օպերատորների աշխատանքներին։ Վստահ եմ, որ այսօրվա ծրագիրը կօգնի ձեր ապագա մասնագիտության ընտրության հարցում», - նշել է Հայաստանում Beeline-ի գլխավոր տնօրեն Անդրեյ Պյատախինը:

«Գաղտնիք չէ, որ պատանիներն ու երիտասարդները երկրի ապագան են ու նաև ներկան: Մենք շատ ենք փորձել և փորձում սահմանամերձ գյուղերում ինչ-որ բան անել, բայց ոչ ոք դա չի կարող անել ավելի լավ, քան այդ գյուղերում մեծացած և ապրող երիտասարդները: Դրա համար շատ կարևոր է նրանց տալ հնարավորություն նոր բաներ սովորել և օգնել սովորածն օգտագործել ի շահ իրենց և իրենց գյուղերի: Մի հին ասացվածք կա` եթե մեկ տարվա պլաններ ես կապում` ծառ տնկիր, եթե հարյուր տարվա` երիտասարդներին կրթություն տուր», - նշել է «Հայրենիքի դարպասներ» սոցիալական հասարակական կազմակերպության նախագահ Արման Հայրապետյանը:

Հաղորդագրության համաձայն, հյուրերը շրջել են Երևանում գտնվող «Թումո» կենտրոնում, ծանոթացել ուսանողների և նրանց աշխատանքների հետ։

«Մենք շատ ենք կարևորում այս ծրագիրը և ցանկանում ենք, որ երեխաները մեր կենտրոնում ձեռք բերեն հնարավորինս շատ գիտելիքներ և հմտություններ։ Այն կօգնի նրանց ընդլայնել իրենց աշխարհայացքը, բացահայտել իրենց ներուժը, ինչպես նաև կօգնի ժամանակակից մասնագիտություններ ձեռք բերելու հարցում»,– նշել է «Թումո» ստեղծարար տեխնոլոգիաների կենտրոնի հաղորդակցության բաժնի ղեկավար Զառա Բուդաղյանը։

Հեռահաղորդակցական ընկերությունից նշել են, որ Beeline-ը և «Հայրենիքի դարպասներ» սոցիալական հասարակական կազմակերպությունը համագործակցում են 2013 թ.-ից ի վեր և «Հայրենիքի դարպասներ» ծրագրի շրջանակում իրականացրել են «Երկու օր հեքիաթում» և նվերներ «Երվանդաշատ գյուղի երեխաներին» ծրագրերը` ուղղված սահմանամերձ գյուղերի սոցիալական խնդիրների լուծմանը: 2014 թ. համագործակցության շրջանակում Տավուշի մարզի Չինարի և Ոսկեպար սահմանամերձ գյուղերում կառուցվել են խաղային ու սպորտային հրապարակներ: Իսկ 2015 թ. «Սահմանամերձ գյուղերի երեխաները Թումոյում» ծրագրի շրջանակում 6 ամիս շարունակ յուրաքանչյուր շաբաթ Տավուշի մարզի 6 սահմանամերձ գյուղերի երեխաներ այցելել են Դիլիջանում գտնվող Թումո ստեղծարար տեխնոլոգիաների կենտրոն:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
18:42
01 Մարտի 2024
Բիբլոս Բանկ Արմենիան աջակցել է «Նորարարի երկընտրանքը» բեսթսելերի հայերեն հրատարակությանը (ՖՈՏՈ, ՎԻԴԵՈ)
Բիբլոս Բանկ Արմենիան իր կրթական ծրագրերի շրջանակում աջակցել է ամերիկացի բիզնես խորհրդատու Քլեյթոն Մ․ Քրիստենսենի «Նորարարի երկընտրանքը» գրքի հայերեն թարգմանությանն ու հրատարակությանը «Անտարես» հրատարակչության կողմից
16:03
01 Մարտի 2024
Ֆրանսիայից Հայաստան գնդակ են ուղարկել, որի մեջ թմրանյութ է եղել (ՎԻԴԵՈ)
Թմրանյութով գնդակ․ Ֆրանսիայից Հայաստան գնդակ են ուղարկել, որի մեջ թմրանյութ է եղել․ ՎԻԴԵՈ
15:46
01 Մարտի 2024
Կենսաթոշակի գործի կազմման համար պահանջել է 400 հազ․ դրամ կաշառք․ ՄՍԾ պաշտոնյայի կողմից կաշառք ստանալու մի շարք դեպքեր են բացահայտվել
Կենսաթոշակի գործի կազմման համար պահանջել ու ստացել են 400 հազ․ դրամ կաշառք
14:50
01 Մարտի 2024
Սպասվում է տաք և բավարար տեղումներով մարտ․ Սուրենյան
Սուրենյանը նշել է, թե ինչ եղանակ է սպասվում մարտին
14:03
01 Մարտի 2024
Երևանի կենտրոնում ռեստորանի գործունեություն է կասեցվել (ՖՈՏՈ)
Երևանի Տերյան փողոցում ռեստորանի գործունեություն է կասեցվել․ ՖՈՏՈ
13:19
01 Մարտի 2024
ՔՊ–ն քննարկում է «Զվարթնոց» օդանավակայանում ռուս սահմանապահների ներկայության հարցը
ՔՊ–ն քննարկում է «Զվարթնոց» օդանավակայանում ռուս սահմանապահների ներկայության հարցը
09:56
01 Մարտի 2024
Փաշինյանին եմ ներկայացրել ՀՀ հատուկ հանձնարարություններով դեսպանի պաշտոնից ազատման դիմում․ Էդմոն Մարուքյան
Էդմոն Մարուքյանը հրաժարականի դիմում է ներկայացրել ՀՀ հատուկ հանձնարարություններով դեսպանի պաշտոնից
21:15
29 Փետրվարի 2024
Հարկ վճարողները պարտավոր են ապահովել անկանխիկ վճարում ընդունելու հնարավորություն․ ՊԵԿ (ՎԻԴԵՈ)
ՊԵԿ–ից զգուշացնում են հարկ վճարողներին․ տուգանքը կազմում է 300 հազար դրամ․ ՎԻԴԵՈ
20:22
29 Փետրվարի 2024
Ալեն Սիմոնյանը չի բացառել, որ Արցախի հարցով եղել է պայմանավորվածություն Ռուսաստանի և Ադրբեջանի միջև
Ալեն Սիմոնյանը չի բացառում, որ Լեռնային Ղարաբաղի հարցում եղել է պայմանավորվածություն։ Նա հայտարարել է, որ կարող է պայմանավորված էսկալացիա լինել
16:07
29 Փետրվարի 2024
ՀՀ կառավարությունը հաստատել է դեղերի ցանկը, որոնք մարտի 1–ից կարելի է գնել միայն էլեկտրոնային դեղատոմսով
Հաստատվել է դեղերի ցանկը, որոնք մարտի 1–ից կարելի է գնել միայն էլեկտրոնային դեղատոմսով
14:18
29 Փետրվարի 2024
Նոր Նորքում ինքնակամ կառուցված բնակելի տների բնակիչներն արգելում են ոստիկաններին մոտենալ իրենց տներին․ իրավիճակը լարված է
Բողոքի ակցիայի վայրում են ոստիկանական ուժեր։ Տների բնակիչները ոստիկաններին թույլ չեն տալիս մոտենալ իրենց սեփականությանը