Նախնական տվյալներով` Փարիզում գրանցված ահաբեկչությունների հետևանքով ՀՀ քաղաքացիներ չեն տուժել. ԱԻՆ

ԵՐԵՎԱՆ, 14 նոյեմբերի. /Նովոստի–Արմենիա/. Փարիզում գրանցված մի շարք ահաբեկչությունների զոհերի թվում, նախնական տվյալներով, ՀՀ քաղաքացիներ չկան, հաղորդվում է ՀՀ տարածքային կառավարման և արտակարգ իրավիճակների նախարարության կայքում։

  Երևանը վճռականորեն դատապարտում է Փարիզի ահաբեկչական գործողությունները>>

«Կապ է հաստատվել Ֆրանսիայում ՀՀ փոխդեսպան Վահե Վահրամյանի հետ, ով տեղեկացրեց, որ ահաբեկչության զոհերի և տուժածների ինքնությունը պարզվում է», – նշվում է հաղորդագրության մեջ։

Նախօրեին ուշ երեկոյան Փարիզում մի շարք ահաբեկչական գրոհներ են գրանցվել, այդ թվում` «Բաստիլ» համերգասրահում, Հանրապետության հրապարակի մոտակայքում, Բաստիլի հրապարակում։ Նախնական տվյալներով` զոհվածների թիվը հասել է 153–ի, ավելի քան 200 մարդ վիրավոր է։–0–