Միրոնով. Հայաստանում ինձ հետ վերաբերվում էին հյուրի պես

ԵՐԵՎԱՆ, 31 օգոստոսի. /Նովոստի-Արմենիա/. ՌԴ քաղաքացի Սերգեյ Միրոնովը, ով նախորդ շաբաթ ԱՄՆ պահանջով ձերբակալվել էր Երևանում և ավելի ուշ ազատ արձակվել Հայաստանի դատարանի որոշմամբ, հայտարարել է, որ գոհ է հայկական իշխանությունների վերաբերմունքից:

«Հայկական իշխանությունների վերաբերմունքը միայն դրական տպավորություններ է թողել: Փաստորեն, նրանք ինձ հետ վերաբերվում էին հյուրի պես: Հասկանալի է, որ կային որոշակի սահմաններ` կապված ստեղծված իրավիճակի հետ, սակայն, ընդհանուր առմամբ, ամեն ինչ շատ նորմալ էր, ոչ մի ճնշում», - ասել է Միրոնովը լրագրողնբերին Մոսկվա ժամանելոց հետո:

Հայաստանի ոստիկանության տվյալներով, օգոստոսի 26-ին ժամը 16.30-ին ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողների կողմից «Զվարթնոց» օդանավակայանում հայտնաբերվել և ՔՀԳՎ բերման է ենթարկվել ՌԴ քաղաքացի, 1986 թ. ծնված Սերգեյ Միրոնովը, որը 2016 թ. մայիսի 11-ից միջազգային մակարդակով հետախուզվում է ԱՄՆ իրավապահ մարմինների կողմից։ Սերգեյ Միրոնովին կասկածում էին «Գենեզիս» ընկերության միջոցով զենքի առևտրի մեջ։ Հիշեցնենք, որ նա այդ ընկերությունում աշխատում է որպես ծրագրավորող և ցանցային ադմինիստրատոր։

Երկուշաբթի Երևանի Կենտրոն և Նորք–Մարաշ վարչական շրջանների առաջին ատյանի դատարանը մերժեց Միրոնովի կալանքի մասին դատախազության միջնորդությունն ու ազատ արձակեց նրան։ Դատախազությունը կարող է բողոքարկել որոշումը հինգ օրվա ընթացքում: –0–