Հայաստանում 7–րդ դասարանի աշակերտները պիլոտային ռեժիմով կանցնեն «Ազգային երգ ու պար» առարկան

ԵՐԵՎԱՆ, 30 օգոստոսի. /Նովոստի–Արմենիա/. ՀՀ կրթության և գիտության նախարար Լևոն Մկրտչյանի հրամանով հաստատվել է «Ազգային երգ ու պար» առարկայի պիլոտային ծրագիրը հանրակրթական դպրոցների 7–րդ դասարանի աշակերտների համար, հաղորդում է նախարարության մամուլի ծառայությունը։

2016 թ.–ին առարկան կդասավանդի Հայաստանի 113 դպրոցներում շաբաթական 1,5 ժամ և տարեկան 51 ժամ։

Դասավանդումը կարող է իրականացվել «Ֆիզկուլտուրա» առարկայի համար տրամադրված ուսումնական ժամերի հաշվին։

Պիլոտային ծրագրի հեղինակը «Կարին» ավանդական երգի և պարի համույթի գեղարվեստական ղեկավար, պարուսույց Գագիկ Գինոսյանն է։ –0–