Հայաստանում 11–րդ մահն է գրանցվել «խոզի գրիպից»
14.01.2016,
10:59
Հայաստանում «խոզի գրիպի» զոհերի թիվը հասել է 11–ի։
![Հայաստանում 11–րդ մահն է գրանցվել «խոզի գրիպից» Հայաստանում 11–րդ մահն է գրանցվել «խոզի գրիպից»](/upload/iblock/880/dqo1n2vxwgovapg2dxihhoz0mmeqtj6u.jpg)
ԵՐԵՎԱՆ, 14 հունվարի. /Նովոստի–Արմենիա/. Հայաստանում «խոզի գրիպի» զոհերի թիվը հասել է 11–ի։
«Նախօրեին «Էրեբունի» բժշկական կենտրոնում H1N1 վիրուսի հետևանքով առաջացած բարդություններից մահացել է 57–ամյա Աստղիկ Մանվելյանը», – «Նովոստի–Արմենիա» գործակալությանը տեղեկացրեց հիվանդանոցի տեղեկատվության և հասարակայնության հետ կապերի բաժնի ղեկավար Շուշան Հունանյանը։
Նրա խոսքով` կինը տեղափոխվել էր հիվանդանոց հունվարի 11–ին։ Նրա մոտ լաբորատոր հաստատվել էր H1N1 վիրուսի առկայությունը։
«Կինը շաքարային դիաբետ ուներ», – ավելացրեց Հունանյանը։
Վերջին տվյալներով` հանրապետությունում պաշտոնապես գրանցվել է գրիպի և ՍՇՎ–ի մոտ 800 դեպք։–0–