ԵՐԵՎԱՆ, 8 հոկտեմբերի./Նովոստի–Արմենիա/. ՀՀ վարչապետ Նիկոլ Փաշինյանն այսօր լրագրողների հետ զրույցում հայտարարեց, որ դեռ չի որոշել, թե երբ է տալու հրաժարական։
«Եթե իմ որոշումով լիներ, արդեն պիտի հրաժարական տված լինեին։ Բայց քանի որ հանրության շրջանում շատ բուռն արձագանք կա, այդ սցենարի վրա ևս մեկ անգամ ավելի մանրամասն պետք է մտածենք, բայց դեկտեմբերին պետք է տեղի ունենան արտահերթ ընտրություններ», – նշեց ՀՀ վարչապետը։
Միաժամանակ, անդրադառնալով շրջանառվող այն սցենարին, թե իր հրաժարականի դեպքում հնարավոր է նոր վարչապետի ընտրություն և այդ պարագայում նա կկորցնի ուժայինների նկատմամբ վերահսկողություն` Փաշինյանը հայտարարեց, որ այդ ամենը ֆանտաստիկայի ժանրից է։
Загружается новость ... "Лево"
«Ժողովուրդը և մենք որևէ մեկին նման հնարավորություն չենք տա», – հայտարարեց Փաշինյանը` հավելելով, որ տեսնում է շատ մեծ հանրային դժգոհություն իր հրաժարականի կապակցությամբ։
«Երբ խոսում ենք հրաժարականի մասին, մենք խոսում ենք այն իրավիճակի մասին, երբ զուտ իրավական ընթացակարգերն իրականացնելու համար դե–յուրե հրաժարական է տրվում։ Պետք է այս իրավիճակը լինի բոլորին հասկանալի` իր բոլոր նրբություններով։ Ես որևէ գործողություն չպետք է անեմ` ժողովրդի իշխանությունը թեկուզ տեսականորեն վտանգի տակ դնելու համար։ Բայց մյուս կողմից, մենք պետք է անպայման արտահերթ ընտրություններ անենք, որպեսզ ի վերջո այս բարիկադային ռեժիմից անցնենք առօրյա աշխատանքային ռեժիմի և արձանագրեք կոնկրետ արդյունքներ», – ասաց ՀՀ վարչապետը։
Պատասխանելով լրագրողների այն հարցին, թե, արդյոք, ՀՀ նախագահը պատրաստվու՞մ է ստորագրել ԱԺ–ի արձակումը թույլ չտվող օրինագիծը, թե ոչ` վարչապետը նշեց, որ չի կարող ասել, նախագահն իր գործողությունների մասին ինքը հայտարարություններ կանի։
«Պատրաստվում ենք արտահերթ խորհրդարանական ընտրություններ անցկացնել դեկտեմբերին։ Փարիզում ՀՀ նախագահի հետ քննարկել եմ ստեղծված իրավիճակը, նա հոկտեմբերի 9–ին վերադառնում է Երևան, վերադարձից հետո անպայման կրկին կքննարկենք», – նշեց ՀՀ վարչապետը։
Загружается новость ...
"Право"
Հոկտեմբերի 2–ին ԱԺ–ի արձակումը թույլ չտվող օրինագծի ընդունումից հետո ՀՀ վարչապետ Նիկոլ Փաշինյանի կոչով Բաղրամյան պողոտայում կազմակերպվեց բազմամարդ հանրահավաք, որի ժամանակ հայտարարեց ԲՀԿ–ական և ՀՅԴ–ական նախարարներին պաշտոններից ազատելու մասին։
Նույն օրը Փաշինյանը խորհրդարանական խմբակցությունների ներկայացուցիչների հետ բանակցություններից հետո հայտարարեց, որ ձեռք է բերվել բանավոր պայմանավորվածություն այն մասին, որ ԲՀԿ, Հանրապետական և ՀՅԴ խմբակցությունները վարչապետի թեկնածու չեն առաջադրի, խորհրդարանը կարձակվի, իսկ արտահերթ ընտրությունները պետք է անցկացվեն դեկտեմբերին առաջին կեսից ոչ ուշ։ Սակայն, այդ քաղաքական ուժերի ներկայացուցիչներն ավելի ուշ հայտարարեցին, որ որևէ կոնկրետ պայմանավորվածություն ձեռք չի բերվել։–0–