ԵՐԵՎԱՆ, 19 հոկտեմբերի. /Նովոստի–Արմենիա/. ՀՀ վարչապետ Կարեն Կարապետյանը հինգշաբթի կառավարության նիստի ժամանակ հանձնարարեց ուսումնասիրել Երևանում խցանումների նվազեցման հնարավորությունը։
Նա նշեց, որ կառավարությունը վերջերս նախաձեռնել էր պրակտիկ և օրենսդրական բարեփոխումներ, որոնք վերաբերում են ճանապարհային երթևեկության կանոնների պահպանմանն ու թեթև իրավախախտումների նկատմամբ զգուշացումների կիրառմանը։
Загружается новость ... "Лево"
Բացի այդ, վարչապետի խոսքով, վերացվել են ճանապարհային երթևեկության կանոնների համար կիրառվող տուգանքներն ու լրացուցիչ տույժերը, իսկ Վարչական իրավախախտումների վերաբերյալ նոր օրենսգրքում նախատեսված էին զգուշացման ինստիտուտի կիրառման ճկուն մեխանիզմներ։
«Հարկ է նշել, որ աշխատանքային օրերին Երևան քաղաքում առկա են խցանումներ, երթևեկության կազմակերպման խնդիրներ, որոնց պատճառները բազմազան են և պահանջում են լուծուներ։ Մասնավորապես, խնդիրներ են առաջանում ուղևորներին նստելու կամ իջնելու դեպքերում 1 րոպե ժամանակահատվածի պահպանման մասո», – ասաց Կարապետյանը։
Այս կապակցությամբ նա հանձնարարեց Տրանսպորտի, կապի և տեղեկատվական տեխնոլոգիաների նախարարությանը, Քաղաքաշինության պետական կոմիտեին, ոստիկանությանն ու Երևանի քաղաքապետարանին 2 ամսում ուսումնասիրել մայրաքաղաքում խցանումների նվազեցման հնարավորությունները` հաշվի առնելով որոշ հատվածներում ավտոկայանտեղիների սահմանափակման, ճանապարհային երթևեկության կազմակերպման և հսկողության խստացման, ժամանակակից տեխնոլոգիաների ներդրման, ինչպես նաև այլընտրանքային երթուղիների կառուցման հարցերը կառավարության աշխատակազմ ներկայացնել առաջարկությունները։–0–
