ՀՀ նախագահը վերանշանակել է երեք նախարարների

ԵՐԵՎԱՆ, 19 ապրիլի./Նովոստի–Արմենիա/. ՀՀ նախագահ Արմեն Սարգսյանը հինգշաբթի ստորագրել է հրամանագրեր երեք նախարարների նշանակման մասին։

Ինչպես հաղորդում է ՀՀ նախագահի մամուլի ծառայությունը, ֆինանսների նախարար է նշանակվել Վարդան Արամյանը, տարածքային կառավարման և զարգացման նախարար` Դավիթ Լոքյանը, տնտեսական զարգացման և ներդրումների նախարար` Սուրեն Կարայանը։

Նախօրեին նախագահը հրամանագրեր է ստորագրել Կարեն Կարապետյանի առաջին փոխվարչապետի, Վաչե Գաբրիելյանին ու Արմեն Գևորգյանին փոխվարչապետի, ինչպես նաև Վիգեն Սարգսյանին պաշտպանության նախարարի , Էդվարդ Նալբանդյանին արտգործնախարարի պաշտոնում նշանակելու մասին։

Ապրիլի 17–ին ՀՀ ԱԺ–ն 77 «կողմ» և 17 «դեմ» ձայներով Սերժ Սարգսյանին ընտրեց ՀՀ վարչապետ։ Նույն օրը ՀՀ նախագահ Արմեն Սարգսյանը ստորագրեց հրամանագիր Սերժ Սարգսյանին վարչապետի պաշտոնում նշանակելու մասին։–0–