ՀՀ նախագահը գեներալ-մայոր Անդրանիկ Մակարյանին նշանակել է ԶՈՒ գլխավոր շտաբի պետի տեղակալ
27.01.2018,
22:08
Զինված ուժերի գլխավոր շտաբի տեղակալի հաստիքը ազատ էր մնում անցած տարվա դեկտեմբերից:
ԵՐԵՎԱՆ, 27 հունվարի. /Նովոստի Արմենիա/. Շաբաթ օրը՝ հունվարի 27-ին, ՀՀ նախագահ Սերժ Սարգսյանը հրամանագիր է ստորագրել գեներալ-մայոր Անդրանիկ Մակարյանին զինված ուժերի գլխավոր շտաբի տեղակալ նշանակելու մասին:
«Գեներալ-մայոր Անդրանիկ Մակարյանին նշանակել Հայաստանի Հանրապետության զինված ուժերի մարտական պատրաստության վարչության պետ - զինված ուժերի գլխավոր շտաբի պետի տեղակալ` ազատելով նրան Զորքերի (ուժերի) միացյալ խմբավորման հրամանատարի պաշտոնից»,–ասված է նախագահի ստորագրած հրամանագրում։
Հիշեցնենք, որ զինված ուժերի գլխավոր շտաբի տեղակալի հաստիքը ազատ էր մնում անցած տարվա դեկտեմբերից, երբ գեներալ-լեյտենանտ Հայկազ Բաղմանյանն աշխատանքից ազատման զեկուցագիր էր ներկայացրել:-0-
Պատճենել հղումը
