ՀՀ ԱԺ–ն հավանություն տվեց Սևանից լրացուցիչ ջրառ իրականացնելու մասին նախագծին

ԵՐԵՎԱՆ, 6 հուլիսի. /Նովոստի–Արմենիա/. ՀՀ ԱԺ–ն հինգշաբթի նիստի ժամանակ երկրորդ և վերջնական ընթերցմամբ ընդունեց «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրինագծում նախատեսված լրացումները։

Փոփոխություններով առաջարկվում է օրենսդրական մակարդակով թույլատրել Սևանա լճից հավելյալ ջրառ կատարելը, որը թույլ կտա լրացնել ոռոգման ջրի պակասը:

Լճից 100 մլն խմ–ի չափով լրացուցիչ ջրառը կարող է հանգեցնել 8 սմ–ով լճի մակարդակի նվազման, ինչը, նախորդ տարվա ցուցանիշի համեմատ, ամեն դեպքում կգրանցի մոտ 10 սմ–ով աճի դինամիկա և հետևաբար չի խախտի լճի էկոհամակարգի պահպանման պայմանները։

Վերջին 15 տարվա ընթացքում կառավարությունը երրորդ անգամ է դիմում լրացուցիչ ջրառ կատարելու խնդրանքով։

Որոշ ագրարային տնտեսություններ առաջարկել են ավելացնել Սևանա լճից ջրառը գոնե 100 մլն խմ–ով ոռոգման ջրի պակասի պատճառով։ Միաժամանակ ՀՀ բնապահպանության նախարարությունը դեմ է Սևանա լճից ջրառի ծավալի ավելացմանը ներկա 170 մլն խմ–ից մինչև 1 մլրդ խմ էներգետիկ և ոռոգման նպատակներով։

Բնապահպանների կարծիքով, Սևանա լճից ջրառի ավելացման հետևանքով լիճը կկանգնի ճահճացման վտանգի առաջ։

Սևանա լիճը Եվրասիայի ամենամեծ բարձրալեռնային լճերից մեկն է, որը տեղակայված է Հայաստանի ուղիղ սրտում` 1914 մ բարձրության վրա: Հյուսիս-արևմուտքից մինչև հարավ-արևելք լիճը տարածվում է ավելի քան 70 կմ, իսկ դրա ջրային հայելու մակերեսը հասնում է 1,5 հազար քառակուսի կիլոմետրի:

Լճից սկիցբ առնող միակ աղբյուրը Հրազդան գետն է (Արաքսի վտակը), ընդ որում` նրա մեջ թափվում է 28 գետ, որոնց համախառն ավազանը կազմում է 2776 քառակուսի կիլոմետր: Մինչև 2030 թվիականը լճի մակարդակը կբարձրացվի մինչև օպտիմալ 1903,5 մ:-0-