Գագիկ Սուրենյանը ցույց է տվել Հայաստանում 40-42 աստիճան շոգի «մեղավորին» (ՖՈՏՈ)

ԵՐԵՎԱՆ, 2 օգոստոսի. /Նովոստի–Արմենիա/. ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը facebook–յան իր էջում լուսանկար է տեղադրել, որում ցույց է տրված, թե ինչպես են տաք օդային հոսանքները շարժվում դեպի Հայաստան։


«Ահա և առաջիկա օրերին մեզ այրողը։ Կարմիր օղակի մեջ ընդգրկված է Արաբական անապատների վրա առաջացած արևադարձային տաք օդի զանգվածը»,–գրել է Սուրենյանը:

Ավելի վաղ նա տեղեկացրել էր, որ ջերմային ցիկլոնը Իրաքից դեպի հյուսիս է շարժվում և արդեն վաղը կհասնի Կովկաս։ Արդյունքում` ամեն օր մեկ աստիճանով ջերմաստիճանը կբարձրանա և առավելագույն ջերմաստիճանին կհասնի օգոստոսի 6-ին և 7-ին։ Այդ օրերին Արարատյան դաշտում և Երևանում ջերմաստիճանը կհասնի 41 աստիճանի։ Առանձին վայրերում չի բացառվում, որ ջերմաստիճանը հասնի 42–ի:-0-