ԵՐԵՎԱՆ, 24 նոյեմբերի./Նովոստի–Արմենիա/. Նոյեմբերի 25-27-ը Կոնվերս Բանկը կմասնակցի «Lady EXPO» թեմատիկ ցուցահանդեսին, հաղորդում է բանկի մամուլի ծառայությունը։
Կոնվերս Բանկը ցուցահանդեսի այցելուներին է ներկայանալու նոր դիզայնով Woman’s քարտով և քարտապանների համար գործարկված ակցիաներով:
«Woman’s քարտը իր տեսակով եզակի է Հայաստանում և մշակվել է հատուկ կանանց համար՝ հաշվի առնելով նրանց նախասիրություններն ու ճաշակը: Այն առանձնանում է յուրահատուկ դիզայնով, ինչպես նաև պարբերաբար քարտապան կանանց համար գործարկվող զեղչային, գումարի հետվերադարձի ակցիաներով՝ ինչպես բանկի գործընկեր հագուստի, օծանելիքի բրենդային խանութներում, ռեստորաններում, այնպես էլ գեղեցկության սրահներում, մարզասրահներում»,- նշվում է բանկի մամուլի ծառայության տարածած հաղորդագրության մեջ։
Գործարկված ակցիաների շրջանակում Կոնվերս Բանկը Woman’s պլաստիկ քարտերի քարտապաններին է ներկայանալու մի քանի շահավետ առաջարկով։
«Մասնավորապես, Բանկը նոր և գործող հաճախորդներին է առաջարկելու առավելագույնը 500 հազար դրամի վարկային սահմանաչափ՝ մինչև 36 ամիս ժամկետով, ինչպես նաև առաջնային շուկայից ավտոմեքենայի ձեռքբերման «Մոբիլ» վարկ՝ արտոնյալ պայմաններով: Ակցիայի մասնակիցներին Կոնվերս Բանկի «Կիլիկիա» և «Նոր-Նորք» մասնաճյուղերում անհատական պահատուփերի ծառայություն կտրամադրվի 50 տոկոս զեղչով սակագնով»,- նշվում է հաղորդագրության մեջ։
Նշված ակցիաներից կարելի է օգտվել նոյեմբերի 25-27-ը ներառյալ՝ Կոնվերս Բանկի բոլոր մասնաճյուղերում և Lady Expo-ում Բանկի տաղավարում:
Մանրամասներին կարելի է ծանոթանալ` անցնելով հետևյալ հղմամբ։-0-
