ԵՐԵՎԱՆ, 20 մայիսի. /Նովոստի–Արմենիա/. Ռիոյում 2016 թ.–ին անցկացված Օլիմպիական և Պարալիմպիկ խաղերի շուրջ 100 մեդալ վերադարձվել է կազմակերպիչներին, քանի որ դրանց վրա հայտնվել են սև հետքեր և ժանգ, հաղորդում է
Reuters–ը։
Բրազիլիայի դրամահատարանը կուղղի ամենաքիչը 130 մեդալների թերություններն ու կվերադարձնի դրանք։ Նշվում է, որ ավելի շատ վնասվել են բրոնզե մեդալները։ 2016 թ.–ի Օլիմպիական խաղերի համար ընդհանուր առմամբ պատրաստվել է 2488 մեդալ։
«Ամենատարածված խնդիրն այն է, որ մեդալները սխալ են պահվել, ինչի հետևանքով լաքի ծածկույթն անցել է, և դրանք սկսել են ժանգոտել կամ նրանց վրա սկսել են հայտնվել սև հետքեր։ Երկրորդը, մոտ 10 մեդալներ վնասվել են, քանի որ դրանք պահվել են չափազանց ցածր ջերմաստիճանային պայմաններում։ Սա նորմալ երևույթ է», – նշել է 2016 թ.–ի խաղերի կազմկոմիտեի ներկայացուցիչ Մարիա Անդրադեն։–0–