Հենրիխ Մխիթարյան. շնորհակալ եմ հայ ժողովրդին ցուցաբերած ջերմագույն աջակցության համար (ՖՈՏՈ)

ԵՐԵՎԱՆ, 27 դեկտեմբերի. /Նովոստի Արմենիա/. «Մանչեսթեր Յունայթեդի» կիսապաշտպան ու Հայաստանի հավաքականի ավագ Հենրիխ Մխիթարյանը շնորհակալություն է հայտնել հայ ժողովրդին ցուցաբերած ջերմագույն աջակցության համար:


«Իմ երկրպագուները իմ մոտիվացիան են: Շնորհակալ եմ բոլոր նրանց, ովքեր քվեարկել են իմ օգտին, և առհասարակ`հայ ժողովրդին ինձ ցուցաբերած ջերմագույն աջակցության համար», - գրել է նա Facebook–յան իր էջում:

«Ինձ համար պատիվ է ստանալ ամենաշատ քվեն Հայաստանի 2017 թվականի լավագույն մարզիկների տասնյակում: Կշարունակեմ անել ամեն ինչ`հասնելու նորանոր հաջողությունների`ի ուրախություն իմ ազգի», - հավելել է նա:

Հայաստանի լավագույն մարզիկների տասնյակի SMS քվեարկության արդյունքով առաջին տեղը մեծ առավելությամբ զբաղեցրել է Հենրիխ Մխիթարյանը, երկրորդ տեղում է սամբիստ Գրիգոր Մխիթարյանը, իսկ երրորդ հարիզոնականում` ըմբիշ Արթուր Ալեքսանյանը:-0-