ԵՐԵՎԱՆ, 11 հունվարի. /Նովոստի-Արմենիա/. Սոչիի Խոստինի շրջանում բացվել է հոգեբանական լիցքաթափման սենյակ, չորեքշաբթի կազմակերպիչները հայտնել են «Ինտերֆաքս» գործակալությանը:
«Բարկության սենյակը» հնարավորություն է տալիս լիցքաթափվել բացասական էներգիայից, վրդովվել և ուզածի պես հիստերիկանալ», - ասել է գործակալության զրուցակիցը: Նրա խոսքով, «զայրույթի սենյակում» կարելի է քաղաքակիրթ և անվտանգ պայմաններում ափսե ջարդել, հեռուստացույց, մի քանի պահարան ջարդել:
«Եթե դուք զգում եք, որ հաջորդ ընտանեկան սկանդալն առանց սպասք ջարդելու չի ավարտվի, ապա ավելի լավ է եկեք մեզ մոտ և առանց ձեր ունեցվածքին և շրջապատողներին վնաս հասցնելու, կողմնակի հայացքներից հեռու, լիցքաթափվեք: Չէ որ մեզ մոտ հարվածելու և ջարդելու համար ոչ ոք չի քննադատում», - նշել է գործակալության զրուցակիցը:
Նրա խոսքով, ««զայրույթի սենյակը» նոր ծայրահեղական շարժում է հոգեբանական լիցքաթափման ոլորտում, որն ավելի լավ է օգնում, քան մեկ շաբաթ տևող հարբեցողությունը և, բնականաբար ավելի լավ է, քան տնօրենի դեմքով ռետինե տիկնիկին ծեծելը»:
««Բարկության սենյակ» կարելի է բերել սեփական անպետք կահկարասիքը և այնտեղ այն ոչնչացնել` ջարդել կամ ծեծել: Իսկ կարելի է զայրույթը «թափել»` վճարելով առաջարկվող սարքերի դիմաց 300-ից մինչև 3 հազար ռուբլի», - նշել է պարբերականի զրուցակիցը:
«Բարկության սենյակ» մուտքը թույլատրվում է 18 տարեկանից բարձր անձանց: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում