ԵՐԵՎԱՆ, 19 սեպտեմբերի. /Նովոստի–Արմենիա/. Հռոմի Ֆրանցիսկոս Պապը սեքսն ու սեքսուալությունը «Աստծո պարգև» է անվանել։ Այս մասին նա ասել է Ֆրանսիայի հետ երիտասարդության հետ հանդիպման ժամանակ։ Նրանց խոսակցությունը հրապարակվել է Վատիկանի մամուլի ծառայության կայքում, հայտնում է
Дождь–ը։
«Սեքսուալությունը և սեքսն Աստծո պարգև է, ոչ թե տաբու։ Դրա նպատակը երկուսն է` սեր և կյանքի ստեղծում։ Իրական սերը կրքոտ է։ Եվ կրքոտ սերը տղամարդու և կնոջ միջև տանում է դեպի հավիտենական կյանք։ Միշտ։ Եվ այն (սերը) տալիս են և հոգով, և մարմնով»,– ասել է Հռոմի Պապը։
Այսպես է նա պատասխանել մի 24–ամյա աղջկա, ով նրան պատմել էր ավագ սերնդի հետ սիրո և սեքսուալության թեմաների քննարկման բարդությունների մասին։ Նա բացատրել էր դա նրանով, որ իր սերունդն առաջիններից է, որ քննարկում է այս թեմաները։
«Սեքսուալությունը պետք է ապրի մեկ չափման մեջ` տղամարդու և կնոջ միջև սիրո մեջ։ Բայց այս հիանալի ճանապարհից մեզ կարող են շեղել մեր թուլությունները և հոգու տկարությունը (…)։ Սա սիրուց կտրված և վայելքների համար օգտագործվող «առանձնացված սեքսուալությունն է»»,– ընդգծել է Պապը։ Եվ որպես օրինակ նա բերել է պոռնոինդուստրիան։
Նա նաև երիտասարդներին տարեց ամուսինների պատմություն է պատմել։
«Մի անգամ մի շատ տարեց մարդ, ով տարեց կին ուներ, ասաց ինձ. «Մենք միմյանց այնքան ենք սիրում, որ երբեմն գրկում ենք իրար։ Մենք չենք կարող սիրով զբաղվել մեր տարիքում, բայց գրկում ենք իրար, համբուրվում ենք»։ Սա իսկական սեքսուալություն է։ Երբեք մի օգտագործեք այն առանց սիրո»,– ավելացրել է Պապը։
Կաթոլիկ եկեղեցին պաշտոնապես դատապարտում է արտամուսնական սեքսը և դեմ է հակաբեղմնավորիչներին։ 2010 թվականին Հռոմի Պապ Բենեդիկտոս 15–րդը մեղմել է եկեղեցու դիրքորոշումը պահպանակների նկատմամբ, թույլ տալով դրանց օգտագործումը ՄԻԱՎ–ից պաշտպանվելու համար։ -0-
