ԵՐԵՎԱՆ, 18 մայիսի. /Նովոստի-Արմենիա/. Global Drug Survey հիմնադրամի փորձագետները վերլուծել են 36 պետությունների բնակիչների ալկոհոլային «մշակույթը» և եկել են եզրակացության, որ ամենից շատ ոգելից խմիչքները չարաշահում են Մեծ Բրիտանիայի բնակիչները:
Ինչպես հայտնում է
«Պրոֆիլ» ամսագիրը, հղում անելով հետազոտությանը, բրիտանացին տարեկան խմում է միջինը 51 օր` ամեն շաբաթ, երկրորդ տեղում ամերիկացիներն են` 50 օր, այնուհետև` Կանադան և Ավստրալիան (համապատասխանաբար, 48 և 47 օր): Նաև հենց բրիտանացիներն են առավել հաճախ դիմում բժիշկներին ալկոհոլի հետ կապված խնդիրների պատճառով` նարկոլոգների օգնությանն է դիմում երկրի բնակչության 4,7 տոկոսը:
Հարցվածները խոստովանել են, որ տարվա ընթացքում խմել են 33 անգամ: Առավել քիչ խմողների թիվը գրանցվել է Չիլիում` 16, Կոլումբիայում և Գերմանիայում` 22-ական:
Անսթափ վիճակում իրենց վարքից ամաչում են Գերմանիայի, Ավստրիայի և Շվեյցարիայի բնակիչները, սակայն դրանք գեղեցկ սեռի ներկայացուցիչներ են, ոչ թե տղամարդիկ: Հարցման ընթացքում պարզվել է, որ հարցվածների 98 տոկոսն օգտագործում է ալկոհոլ, 78 տոկոսը ծխախոտ է ծխում, իսկ 77 տոկոսը տարված է մարիխուանայով:
Հայաստանը հետազոտությունում նշված չէ: -0-