Փաշինյանը նշեց Եվրոպայի խորհրդի դերը Հայաստանի ներքաղաքական գործընթացներում (ՎԻԴԵՈ)
22:17
11 Ապրիլի 2019
ԵՐԵՎԱՆ, 11 ապրիլի./Նովոստի–Արմենիա/. Հայաստանում Եվրոպայի խորհրդի կողմից անցկացվող ծրագիրը նպաստում է երկրի ժողովրդավարական բարեփոխումներին։ Ինչպես հայտնում է կառավարության մամուլի ծառայությունը, այդ մասին հինգշաբթի ասաց Հայաստանի վարչապետ Նիկոլ Փաշինյանը Եվրոպայի խորհրդի գլխավոր քարտուղար Թորբյորն Յագլանդի հետ համատեղ ճեպազրույցում։
«Կարող ենք հիմա վստահաբար հայտարարել, որ Հայաստանն արդեն ժողովրդավարական պետություն է: Եվրոպայի խորհրդի մեծ փորձառությունը մեծ օգուտ է տվել մեզ ժողովրդավարական փոփոխություններ իրականացնելու, օրենքի իշխանությունը հաստատելու, դատական անկախ համակարագ ունենալու և մեր մյուս քայլերին: Մենք լիարժեք համագործակցում ենք Եվրոպայի խորհրդի հետ»,– ասաց նա։
Յագլանդն իր հերթին բարձր գնահատեց Հայաստանում անցկացվող բարեփոխումները, ընդգծելով, որ երկրում տեղի ունեցած իշխանափոխությունն անցել է բացառապես Սահմանադրության և օրենքների շրջանակում։
«Ընտրությունները, որ տեղի ունեցան դեկտեմբերին՝ եզրափակեցին այդ խաղաղ իշխանափոխությունը: Ուզում եմ նաև ողջունել վարչապետին նրա կատարած քայլերի համար, որոնք քայլ առաջ են»,– ավելացրեց նա։
Անդրադառնալով Հայաստանի համար նոր ակնկալիքներին և առաջարկություններին`գլխավոր քարտուղարը նշեց, որ նոր կառավարությունը Եվրոպայի խորհրդի համար կարևոր օրակարգ ունի։
«Մենք հատկապես կարևորում ենք դատական բարեփոխումները: Կարևոր է նաև, թե ինչպես կաշխատեն ժողովրդավարական ինստիտուտները: Շատ կարևոր է տեսնել, թե ինչպես է ընդդիմությունը վերաբերվում դրանց, ինչպես են լրատվամիջոցներն արձագանքում, լուսաբանում այդ փոփոխությունները, հատկապես հակակոռուպցիոն պայքարը: Անկախ լրատվամիջոցները, դատական անկախ համակարգը շատ կարևոր են: Կարծում եմ, որ սա է նոր կառավարության օրակարգը և կանենք ամեն ինչ, որպեսզի աջակցենք դրան», – ասաց նա` հայկական կառավարությանը խոստանալով ԵԽ–ի օժանդակությունը սկսված բարեփոխումների գործում։ -0-
Պեսկովը հայտարարել է, որ Մոսկվան շարունակում է շփումները Երևանի հետ, որպեսզի պարզաբանի ՀՀ վարչապետ Նիկոլ Փաշինյանի հայտարարությունները ՀԱՊԿ–ում անդամակցության «սառեցման» մասին
Փաշինյանն ասում է, որ տպավորություն ունի, որ Ադրբեջանը որևէ հետաքրքրություն չի ցուցաբերում սահմանային կայունության և անվտանգության ապահովման հարցում․ ՎԻԴԵՈ