ԵՐԵՎԱՆ, 17 դեկտեմբերի. /Նովոստի–Արմենիա/. Բելառուսի նախագահ Ալեքսանդր Լուկաշենկոն Սանկտ Պետերբուրգում ԱՊՀ երկրների պետությունների ղեկավարների հանդիպման արդյունքներով փորձել է ցույց տալ, թե առանցքային դեր է կատարում Համագործակցության շրջանակում առկա հարցերում, կարծում է Հայաստանի նախկին օմբուդսմեն, «Իրավական կամայականության դեմ» հիմնադրամի ղեկավար Լարիսա Ալավերդյանը։
Նախօրեին համացանցում հայտնվել է Լուկաշենկոյի ճեպազրույցի տեսագրության մի դրվագ, որում նա անդրադարձել է Ադրբեջանին Բելառուսի կողմից զենքի վաճառքին և պատմել Հայաստանի վարչապետ Նիկոլ Փաշինյանի հետ զրույցի մասին։
«Կարծում եմ, որ Բելառուսի նախագահն իրեն զգացել է ալիքի վրա և ցանկացել է ասել, որ առանցքային դեր է խաղում տարբեր հարթակների տարբեր գործընթացներում»,– երկուշաբթի մամուլի ասուլիսում ասաց Ալավերդյանը։
Նրա խոսքով, Լուկաշենկոն ընդամենը փորձել է խաղարկել իր գլխավոր խաղաքարտը միջազգային հարաբերություններում։ «Կարծում եմ` արված հայտարարությունները պարզապես բառեր են, որոնց հայ հասարակությունը րպետք է լուրջ վերաբերվի»,– կարծում է իրավապաշտպանը։
Загружается новость ... "Лево"
Նախկին օմբուդսմենը կարծում է, որ Լուկաշենկոյի հայտարարություններն ուղղակիորեն կապված են ՀԱՊԿ–ի գործընթացների հետ, և դրանով իսկ Բելառուսը ձգտում է ամրապնդել իր դիրքերը Կազմակերպությունում։
«Բելառուսը փորձում է ցույց տալ, թե անցյալում ՀԱՊԿ–ում իրավիճակն ավելի լավ էր, քան այսօր, և որ ինքն իրեն ավելի ճիշտ է պահում, քան Կազմակերպության մյուս անդամները։ Մեզ համար այս հայտարարությունները լուրջ կլինեին, եթե Լուկաշենկոն փորձեր միջամտել ներքաղաքական գործընթացներին»,– ասաց նա։
Հայաստանի և ՀԱՊԿ երկրների միջև հարաբերություններում մի քանի շաբաթ առաջ լարվածություն է առաջացել հոկտեմբերի 30–ին Երևանի կողմից Յուրի Խաչատուրովին առանց Կազմակերպության մյուս գործընկերների հետ այդ ընթացակարգերի նախնական համաձայնեցման հետ կանչելուց հետո։ -0-
