Սկանդալը թափ է հավաքում. Դորենկոն պատասխանել է ՌԴ–ում ՀՀ դեսպանատան կոշտ քննադատությանը

ԵՐԵՎԱՆ, 22 նոյեմբերի. /Նովոստի–Արմենիա/. Ռուսաստանցի ռադիոհաղորդավար, լրագրող Սերգեյ Դորենկոն պատասխանել է ՌԴ–ում ՀՀ դեսպանատան կողմից իր հասցեին հնչած կոշտ քննադատությանը։

Ավելի վաղ է ՌԴ–ում ՀՀ դեսպանատունն «անհեթեթություն և ցնդաբանություն է» անվանել այսպես կոչված «փորձագետների և լրագրողների կարծիքը», ովքեր դուրս են գալիս քաղաքավարության սահմաններից և պարունակում են վիրավորանք։ Որպես օրինակ ծառայել է լրագրող, «Խոսում է Մոսկվան» ռադիոկայանի հաղորդավար Սերգեյ Դորենկոյի` օրերս արված հայտարարությունները, ով իր հեղինակային հաղորդման ուղիղ եթերում քննարկել է համասեռամոլների թեման Հայաստանում և թույլ է տվել մի շարք վիրավորական արտահայտություններ` Հասյաստանի և նրա ղեկավարության հասցեին։

«Կցանկանայի հարգանքով պատասխանել Հայաստանի դեսպանատանը, որ երբեք ինձ թույլ չէի տա անհարգալից վերաբերմունք Հայաստանի նկատմամբ։ Հայաստանն ու նրա զարմանահրաշ, տաղանդավոր և աշխատասեր ժողովուրդն արժանի են բարձրագույն հարգանքի», – գրել է Դորենկոն իր Telegram ալիքում։

Նա նշեց, որ նրա դատողությունները, սակայն, անձնական կարծիք են ոչ թե երկրի, այլ քաղաքական գործընթացի մասնակիցների հակասող արարքների մասին։

«Կարծում եմ` արարքների մասին կարծիք ունենալն իմ իրավունքն է», – գրել է Դորենկոն։

Դորենկոն «Խոսում է Մոսկվան» ռադիոկայանի եթերում արել է սկանդալային հայտարարություններ Երևանում համասեռամոլների ֆորումի անցկացման հարցում ՀՀ վարչապետի պաշտոնակատար Նիկոլ Փաշինյանի դիրքորոշման մասին։–0–