ԵՐԵՎԱՆ, 24 մայիսի. /Նովոստի–Արմենիա/. Հայաստանի վարչապետի կինը, «Հայկական ժամանակ» թերթի գլխավոր խմբագիր Աննա Հակոբյանը Եվրասիական 16–րդ մեդիաֆորումում ներկայացրել է ղարաբաղյան կարգավորման իր տեսլականը «փոքր քայլերի» քաղաքականության միջոցով և պատասխանել է ադրբեջանցի լրագրողի հարցին։
ԶԼՄ ներկայացուցիչը հարցրել է, թե ինչու է Հակոբյանն ու իր ամուսինը, ովքեր հայտնի են նախկին ռեժիմի դեմ պայքարով, ուղարկել որդուն Արցախ ծառայելու, ինչպես նաև կնպաստի արդյո՞ք 2019 թվականի մայիսի 9–ին Փաշինյանի կողմից Արցախ այցելելը հակամարտության կողմերի միջև վստահության մթնոլորտի հաստատմանը։ Այդ պահին մոդերատորն ընդհատել է նրան` խնդրելով սահմանափակվել հարցով, այլ ոչ հայտարարություններ անել։
«Մանրամասների մեջ չեմ ուզում մտնել։ Մենք հակամարտության մեջ ենք, պատերազմը չի ավարտվել, այդ իսկ պատճառով մեր որդին ծառայում է բանակում»,– ասել է Հակոբյանը, նշելով, որ հանդես է գալիս կնոջ և մոր դիրքերից։
Загружается новость ... "Лево"
Նա կոչ է արել կարգավորել հակամարտությունը բանակցային սեղանի շուրջ և հնարավոր ջանքերը գործադրել կյանքեր տանող լարվածությունից խուսափելու համար։
«Հայաստանը երբեք պատերազմ չի սկսի»,– ասել է Հակոբյանը, հիշեցնելով, որ ռազմատենչ հռետորությունը հնչում է հենց ադրբեջանական կողմից։
Նա հայտնեց, որ «դադարել միմյան ատելը բարդ է, բայց անհնար չէ»։ Այդ համատեքստում Հակոբյանը հիշեցրել է «Կանայք` խաղաղության համար» նախաձեռնության մասին, որի շրջանակում Հայաստանի և Ադրբեջանի կանայք կարող են փոքր քայլեր կատարել` վստահություն հաստատելու համար։ -0-