ԵՐԵՎԱՆ, 22 դեկտեմբերի․/Նովոստի–Արմենիա/․ Արցախի Հանրապետության նախագահ Սամվել Շահրամանյանը դեկտեմբերի 22-ին հանդիպել է այն պետական մարմինների ղեկավարների հետ, ովքեր շարունակում են պաշտոնավարել հասարակական հիմունքներով:
Այս մասին հայտնում է Արցախի տեղեկատվական շտաբը
Քննարկվել է բռնի տեղահանումից հետո արցախցիների հիմնախնդիրները, դրանց լուծման ուղղությամբ առանձնացվել առաջարկություններ:
Ներկայացնելով կատարված ու կատարվող աշխատանքները՝ նախագահ Շահրամանյանն ընդգծել է 2024 թվականին դրանք շարունակելու անհրաժեշտությունը, Ստեփանակերտի քաղաքապետին և շրջվարչակազմերի ղեկավարներին հանձնարարել շարունակել գույքագրել բռնի տեղահանված քաղաքացիների խնդիրներն ու պարբերաբար ներկայացնել կառավարությանը:
Անդրադառնալով վերջին շրջանում լայն քննարկում ստացած նախագահի՝ սեպտեմբերի 26-ի հրամանագրին՝ Սամվել Շահրամանյանն ընդգծել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները:
Փաստինֆոյի հետ զրույցում Արցախի նախագահի խորհրդական Վլադիմիր Գրիգորյանն ուշադրություն է դարձրել այն հանգամանքին, որ սեպտեմբերի 28-ի հրամանագրում նշվում էր, որ Արցախի ինստիտուտները լուծարվում են, մինչդեռ արդեն հոկտեմբերի 19-ի հրամանագրով հայտարարվում էր, որ այդ ինստիտուները շարունակում են գործել հասարակական հիմունքներով և շարունակում են կատարել իրենց լիազորություները։–0–