ԵՐԵՎԱՆ, 8 հուլիսի./Նովոստի–Արմենիա/. Երկուշաբթի 30 տարեկան հասակում կյանքից հեռացել է ծանրամարտիկ Աղասի Աղասյանը, այդ մասին իր Facebook–ում հայտնել է ՀՀ կրթության, գիտության, մշակույթի և սպորտի փոխնախարար Գևորգ Լոռեցյանը:
«Ավտովթարի պատճառով կյանքից անժամանակ հեռացել է ծանրորդ, Հայաստանի բազմակի չեմպիոն Աղասի Աղասյանը։ Օգոստոսի 29-ին նա կդառնար 31 տարեկան։
Ցավակցում եմ նրա ընտանիքի անդամներին ու հարազատներին և այս անչափ դժվար պահին մաղթում եմ համբերություն։
Դու միշտ մեր հետ ես, չեմպիո՛ն»,– գրել է Լոռեցյանը։
Մարզիկը մահացել է հիվանդանոցում` գիտակցության չգալով։ Ավտովթարը տեղի է ունեցել հուլիսի 4-ին Տավուշի մարզում։
Աղասյանը Եվրոպայի երիտասարդական առաջնության չեմպիոն է, Հայաստանի առաջնության բազմակի չեմպիոն: Առաջին մարզիկն է, որը Ունիվերսիադայում ոսկե մեդալ է նվաճել Հայաստանի համար: Տարբեր տարիների մասնակցել է աշխարհի ու Եվրոպայի առաջնություններին: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում