Ողբերգական ավտովթար Լոռիում. 64–ամյա տղամարդն Opel–ով բախվել է պարսպին

ԵՐԵՎԱՆ, 1 օգոստոսի. /Նովոստի–Արմենիա/. Այսօր` օգոստոսի 1-ին խոշոր ու ողբերգական ավտովթար է տեղի ունեցել Լոռու մարզում։

Վթարի հետևանքով վարորդը տեղում մահացել է։ Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանշիներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ)։

Կայքի հաղորդմամբ, ավտոմեքենան բարձած է եղել գյուղմթերքներով, իսկ ավտոմեքենայի մեջ հայտնաբերվել է դեղորայք, որը հիմնականում օգտագործվում են սրտի հետ կապված խնդիրներ ունենալու ժամանակ։ Եվ կան կասկածներ, որ հնարավոր է, վարորդը ավտոմեքնան վարելիս սրտի կաթված է ստացել։ Այդ տեղեկությունը պարզելու նպատակով քննիչի որոշմամբ՝ նշանակվել է նաև դատաբժշկական փորձաքննություն։–0–