Արմավիրում 80–ամյա տղամարդն ինքնասպան է եղել` թողնելով գրություն

ԵՐԵՎԱՆ, 21 նոյեմբերի. /Նովոստի–Արմենիա/. Նոյեմբերի 19-ին դաժան ու ողբերգական դեպք է տեղի ունեցել Արմավիրի մարզում։

Shamshyan.com–ի հաղորդմամբ, ժամը 19։00-ի սահմաններում Ոստիկանության Արմավիրի բաժին ահազանգ է ստացվել, որ Արմավիր քաղաքի Կոմիտասի փողոցի թիվ 2/ա տանը տղամարդու դի կա։

Դատաբժշկի նախնական եզրակացության համաձայն՝ նա էլեկտրահարվելու միջոցով ինքնասպան է եղել՝ էլեկտրալարը փաթաթելով ձեռքին։

Կայքի հաղորդմամբ, ննջասենյակի պատին հայտնաբերվել է փորագրություն. «Խնդրում եմ ոչ մեկին չմեղադրել»։

Նշանակվել են մի շարք փորձաքննություններ, այդ թվում՝ դիակի դատաբժշկական։–0–