ԵՐԵՎԱՆ, 21 նոյեմբերի. /Նովոստի–Արմենիա/. Նախօրեին՝ նոյեմբերի 20-ին, վրաերթ-ավտովթար է տեղի ունեցել Երևանում։
Shamshyan.com–ի հաղորդմամբ, ժամը 17։00-ի սահմաններում Բադալ Մուրադյան փողոցի թիվ 2/7 հասցեի դիմաց Երևան քաղաքի Ջրվեժ-Բանավան թաղամասի բնակիչ 43-ամյա Արա Սողոմոնյանն իր վարած BMW մակնիշի ավտոմեքենայով վրաերթի է ենթարկել հետիոտն՝ Երևանի բնակիչ 46-ամյա Արամ Գարսոյանին։
Загружается новость ... "Лево"
Այնուհետև Ա. Սողոմոնյանը BMW-ով առաջ է ընթացել և բախվել Կոտայքի մարզի Քանաքեռավան գյուղի բնակիչ 22-ամյա Բոգդան Հայրիյանին պատկանած, կայանված վիճակում գտնվող Toyota մակնիշի ավտոմեքենային։ Բախման հետևանքով 2 ավտոմեքենաներն առաջ են ընթացել և բախվել նույն հասցեի պատին և երկաթյա դարպասներին։
Վթարի հետևանքով Ա. Գարսոյանը և Ա. Սողոմոնյանը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն։
Փաստի առթիվ նյութեր են նախապատրաստվում։–0–