ԽԱՂ. Սարոյա՞ն, թե՞ Սևակ. որքա՞ն լավ եք ծանոթ հայկական նոր թղթադրամներին

ԵՐԵՎԱՆ, 15 մայիսի./Նովոստի–Արմենիա/. Երրորդ սերնդի հայկական թղթադրամները ներառվել են 2019թ.–ի լավագույն թղթադրամների հնգյակում։ Արժույթի հարցերով միջազգային ասոցիացիան (IACA – International Association of Currency Affairs) հայկական թղթադրամները ներառել է «Լավագույն թղթադրամ 2019» միջազգային մրցույթի եզրափակիչ դուրս եկած 14 թղթադրամների շարքում։

Ինչպես հայտնի է, IACA–ն այդ մրցույթը կազմակերպում է 2017թ.–ից, մրցույթին կարող են մասնակցել մրցույթից ոչ ուշ, քան 18 ամիս առաջ թողարկված նոր թղթադրամները։

«Նովոստի–Արմենիա» գործակալությունը որոշել է պարզել, թե որքան լավ եք ծանոթ հայկական նոր թղթադրամներին, կկարողանա՞ք հատվածներով և անվանական արժեքով որոշել, թե հայ մեծերից ով է պատկերված թղթադրամի վրա։

Մենք ձեզ համար պատրաստել ենք հետաքրքրաշարժ մի խաղ և պիքսելների հետևում թաքցրել թղթադրամի պատկերը։ Փորձեք գուշակել։

• Խաղացողը պետք է հայ մեծերի 6 նկարներից ընտրի ճիշտ տարբերակը։

• Ընտրություն կատարելու համար սեղմեք նկարի վրա (դուք նաև կարող եք ստուգել ինքներդ ձեզ և իմանաք ճիշտ պատասխանը)։