537.15
7.44
480.03
+23
Եղանակը Երևանում
Հայ

«Ձեր քարտեզը ֆինանսական աշխարհում». Հայաստանում մեկնարկել է անձնական ֆինանսների ամիսը

16:55
03 Ապրիլի 2019
ԵՐԵՎԱՆ, 3 ապրիլի. /Նովոստի-Արմենիա/. Հայաստանում մեկնարկել է «Անձնական ֆինանսների ամիսը», որը 2014 թ.-ից անցկացնում է Կենտրոնական բանկը։ Այս տարի միջոցառումներն անցնում են «Գտեք ձեր քարտը ֆինանսական աշխարհում» կարգախոսով:

Ինչպես նշեց ՀՀ Կենտրոնական բանկի Խորհրդի անդամ Արմենակ Դարբինյանը, հիմնական միջոցառումները միտված են նոր գիտելիքների ձեռքբերման և հմտությունների զարգացման յոթ նպատակային թեմաներով՝ կարևոր տնտեսական ցուցանիշներ, բյուջեի պլանավորում, խնայողություններ, պարտք, գնումներ, իրավունքների պաշտպանություն և պաշտպանություն կեղծիքից և խարդախությունից:

кошелек месяц личных финансов

«Ավանդական դարձած միջոցառման հիմնական նպատակն է տեղեկատվության և ֆինանսական գիտելիքների տրամադրումը ֆինանսական շուկայի և տարբեր հասկացողությունների վերաբերյալ, որոնց արդյունքները կամփոփենք մայիսի վերջին», ասաց Դարբինյանը:
Ըստ նրա, կկազմակերպվեն տարբեր միջոցառումներ՝ տնտեսական խաղեր, ինտերակտիվ մրցույթներ, հանդիպումներ տարբեր ֆինանսական կառույցներում, այդ թվում՝ բանկերում, ապահովագրական և կենսաթոշակային ընկերություններում:

«Ֆինանսական կրթության հարցը երկարատև և մշտական գործընթաց է: Հնարավոր չէ մեկ միջոցառմամբ լուծել ֆինանսական գրագիտության բարձրացման խնդիրները: Որքան ավելի ակտիվ լինեն ֆինանսական կառույցները և որքան հաճախ անցկացվեն նման միջոցառումներումները, այդքան ավելի բարձր կլինի ֆինանսական կրթության մակարդակը հասարակության շրջանում», - ասաց Դարբինյանը:

кошелек месяц личных финансов

Ըստ ԿԲ սպառողների իրավունքների պաշտպանության և ֆինանսական կրթության բաժնի ղեկավար Արմենուհի Մկրտչյանի, ծրագրի հիմնական նպատակն է՝ հայտնել մարդկանց անձնական ֆինանսների արդյունավետ կառավարման կարևորությունը, ինչպես նաև նպաստել հասարակության ֆինանսական առողջացմանը:

Հիմնական միջոցառումների շարքում նա նշել է brain ռինգ, որին կմասնակցեն 11 թիմեր (եզրափակիչը կանցկացվի ապրիլի 19-ին), ֆինանսական շաբաթի, ֆինանսական վարժությունների անցկացումը և հայտնի «կարմիր ավտոբուսը», որը շրջագայություն է կազմակերպում ֆինանսական հաստատություններով: Նախատեսվում է նաև տարբեր մրցույթներ, ճանաչողական այցելություններ կենսաթոշակային ֆոնդեր, ինչպես նաև մրցույթ՝ հայկական Վիքիպեդիան ֆինանսական նյութերով համալրելու համար: 14 դպրոցներում կանցկացվի փողերի միջազգային շաբաթ, որի շրջանակում կանցկացվեն հատուկ դասեր:

«Այս տարվա նորույթն է ֆինանսական շաբաթը: Մենք հավաքել ենք սոցկայքերում հիմնական պահանջները և քաղաքացիների հարցերը և արտացոլել ենք դրանք համապատասխան սեմինարների կազմակերպման հարցում: Արդյունքում, 7 ֆինանսական կառույցները կանցկացնեն 13 սեմինարներ՝ քաղաքացիների հարցերի հիման վրա: Այդ նախաձեռնությունը կշարունակվի ամբողջ տարվա ընթացքում՝ մարդկանց հարցումների հիման վրա», - ասաց Մկրտչյանը:

Նա նշեց, որ նմանատիպ միջոցառումներն անցկացվում են ոչ առաջին տարի և, բացի ֆինանսական գրագիտության բարձրացման խնդրից, կարիք է զգացվում նաև մարդկանց վերաբերմունքի և պահվածքի փոփոխման, ինչը նախատեսում է երկարատև ուսուցում՝ ամբողջ կյանքի ընթացքում:

кошелек месяц личных финансов

«Դա առավել դժվար է մեծահասակների համար: Վարքի փոփոխման համար բավարար չէ գիտելիք ստանալ», - ասաց Մկրտչյանը:

Նա նշեց, որ Կենտրոնական բանկը պատրաստել է հատուկ փաստաթուղթ, որում մեկ էջի վրա մատչելի ձևով ներկայացված են վարկի տրամադրման հիմնական պայմանները, այդ թվում՝ վերջնական դրույքաչափը, որքան անհրաժեշտ կլինի վճարել վերջում և ինչ պայմաններով: Դա արվում է նրա համար, որ ավելի վաղ մարդիկ դժգոհում էին վարկի ստացման պայմանագրի բարդությունից և անհասկանալիությունից։

Մկրտչյանի խոսքով, ուսումնասիրությունը ցույց է տվել, որ ոչ բոլորն են կարդում անգամ այս մեկ էջը, այլ ստորոգրում են՝ հաճախ անգամ համաձայն չլինելով վարկավորման պայմանների հետ: Դա վարքագծի խնդիր է, քանի որ գիտակցված որոշում կայացնելու համար չեն բավարարում գիտելիքները:

«ԿԲ-ն չի միջամտում ֆինանսական կազմակերպությունների գործունեությանը, սակայն մենք փորձում ենք առավելագույնս տեղեկացնել մարդկանց մինչև որոշման ընդունումը, որպեսզի նրանք հասկանան, որ եթե վարկը մեծ է, ապա պետք չէ վերցնել այն: Պետք է համեմատություն կատարել շուկայում, ընտրելով առավելագույն բարենպաստ պայմաններ, այլ ոչ թե ղեկավարվել մտերիմների խորհրուդներով», - ասաց Մկրտչյանը:

Բացի այդ, նա նշեց, որ գոյություն ունի fininfo.am հատուկ գործիք, որը համեմատում է բոլոր ֆինանսական կառույցների առաջարկները և որտեղ հնարավոր է ծանոթանալ բոլոր տոկոսադրույքներին:

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում:-0-

Թեմատիկ նյութեր
Բաժնի այլ նյութեր
10:47
22 Մայիսի 2019
Սեփական եկամուտները գրագետ տնօրինելու 5 խորհուրդ և 4 ձև
Ներկայացնում ենք զանազան խորամանկություններ և հնարքներ, որոնք օգտագործելիս կարելի է ճիշտ տնօրինել սեփական դրամական միջոցները։
11:00
15 Մայիսի 2019
ԽԱՂ. Սարոյա՞ն, թե՞ Սևակ. որքա՞ն լավ եք ծանոթ հայկական նոր թղթադրամներին
Որքա՞ն լավ եք ծանոթ հայկական նոր թղթադրամներին, կկարողանա՞ք հատվածներով և անվանական արժեքով որոշել, թե հայ մեծերից ով է պատկերված թղթադրամի վրա։
10:48
08 Մայիսի 2019
Փողերի 8 օրենք, որոնք կապահովեն բարեկեցիկ կյանք
«Նովոստի–Արմենիա» գործակալությունը ներկայացնում է փողերի օրենքների ընտրանի, որոնք կարող են օգնել «ընտելացնել» սեփական ֆինանսները։
11:45
02 Մայիսի 2019
Ինչպես են կանայք և տղամարդիկ վերաբերվում փողին
Տղամարդիկ և կանայք տարբեր են իրենց բնույթով, և բնական է, որ տարբերվում են նաև ֆինանսների հարցում:
12:22
25 Ապրիլի 2019
Ինչպես թեթևացնել հայ վարկառուների վարկային բեռը
Հաճախ է հանդիպում մի իրավիճակ, երբ մարդիկ հայտնվում են վարկային կախվածության մեջ` ի վիճակի չլինելով մարել սեփական պարտքերը։ Նման իրավիճակը շտկելու համար վարկային կազմակերպությունները երբեմն ստիպված են լինում ներել իրենց պարտապանների պարտքերը։
10:32
18 Ապրիլի 2019
Ուսանողական վարկերը Հայաստանում ավելի հասանելի են դարձել
Հայաստանի կառավարությունը կանոնավոր կերպով թարմացնում է վարկավորման պայմանները։
10:26
09 Ապրիլի 2019
10 ֆինանսական «մակաբույծներ», որոնք «խժռում են» ընտանեկան բյուջեն
Ֆինանսական «մակաբույծները» բավականին տարածված երևույթ են, որոնց մենք հաճախ չենք նկատում։
17:59
27 Մարտի 2019
ՀՀ–ում երիտասարդ ընտանիքներին ավելի հեշտ կլինի ձեռք բերել բնակարան. ներկայացնում ենք մանրամասները
ՀՀ–ում երիտասարդ ընտանիքներին ավելի հեշտ կլինի ձեռք բերել բնակարան. ներկայացնում ենք մանրամասները:
17:22
19 Մարտի 2019
Հայաստանի բանկերի միությունը կզբաղվի բնակչության ֆինանսական գրագիտության բարձրացմամբ
Հայաստանի բանկերի միությունը կակտիվացնի իր գործունեությունը` հայկական բանկերի մասին հասարակության շրջանում առկա թյուր կարծիքը փոխելու համար։
11:16
14 Մարտի 2019
10 նորաձև գաջեթներ ժամանակակից կնոջ համար
Առաջարկում ենք 10 նորաձև գաջեթներ, որոնք անտարբեր չեն թողնի գեղեցիկ սեռի և ոչ մի ներկայացուցչի։
11:00
28 Փետրվարի 2019
9 խորհուրդ սկսնակ գործարարներին` պասիվ եկամուտ ստեղծելու համար
Պասիվ եկամտի թեման այսօր շատ արդիական է, քանի որ ներկայում քիչ չեն այն հնարավորությունները:
11:01
21 Փետրվարի 2019
Ֆինանսական գրագիտությունը` ՀՀ վարչապետի ուշադրության կենտրոնում
Բնակչության ֆինանսական գրագիտության բարձրացման խնդիրը հայտնվել է ՀՀ կառավարության ուշադրության կենտրոնում։