ԵՐԵՎԱՆ, 2 սեպտեմբերի./Նովոստի–Արմենիա/. Sanitek ընկերությունը երկուշաբթի տարածած հայտարարությունում, որում ներկայացված էր ընկերության տնօրեն Նիկոլաս Էլ Տավիլի նամակը Երևանի քաղաքապետ Հայկ Մարությանին, մեղադրել է քաղաքային իշխանություններին աղբահանության երկու պայմանագրերով 330 մլն դրամ չվճարելու համար։
Քաղաքապետին հասցեագրված նամակում նշվում է, որ վերջինս բազմիցս հրապարակայնորեն նշել է, որ «Սանիթեք» ընկերության հետ պայմանագրով քաղաքապետարանի միակ պարտականությունը վճարումներ կատարելն է, որը անշեղորեն իրականացվում է: Տավիլը նշում է, որ քաղաքապետարանի պարտականությունների մեջ է մտնում Երևան քաղաքում աղբահանության իրականացման կարգի և աղբամանների տեղադրման վայրերի սահմանումը։
«Այդ պայմանի բացակայության պայմաններում աղբահանությունը Ձեր կողմից ստեղծված հիմնարկի կողմից կատարվում է օրենքի կոպտագույն խախտումով և առանց որևէ հիմքի»,– ասվում է նամակում։
Բացի այդ, նշվում է, որ ներկա պահի դրությամբ Երևանի քաղաքապետարանը ընդհանուր առմաբ երկու պայմանագրերի շրջանակներում պակաս է վճարել ավելի քան 330 000 000 ՀՀ դրամ գումար՝ խախտելով պայմանագրով սահմանված վճարման ժամկետները:
Загружается новость ...
"Право"
«Հատկանշական է, որ նշված գումարի մի մասն է միայն պայմանագրի համաձայն Ձեր կողմից համառորեն կիրառվող տուգանքները (որոնք վիճարկվում է մեր կողմից դատական կարգով), իսկ մյուս մասի վճարումը չի կատարվել առանց որևէ պատճառաբանությամբ և պայմանագրի խախտումներով»,– ընդգծվում է նամակում։
Արդեն մի քանի ամիս է` երևանցիները վրդովմունք են հայտնում քաղաքում աղբի մեծ կուտակումների կապակցությամբ և դժգոհում են համապատասխան ծառայությունների, մասնավորապես, աղբահանության օպերատոր Sanitek ընկերությունից։
Երևանի քաղաքապետ Հայկ Մարությանը բազմիցս հրապարակայնորեն իր դժգոհությունն է հայտնել Sanitek ընկերության աշխատանքից, ընդգծելով, որ երևանցիներն այլևս չեն կարող հանդուրժել այս որակի աշխատանքը։ -0-