Ռուբեն Վարդանյանը` Սերժ Սարգսյանի հրաժարականի մասին. «նա տեսավ, որ իրեն չեն ընդունում»

ԵՐԵՎԱՆ, 9 հունիսի. /Նովոստի–Արմենիա/. Հայաստանի նախկին վարչապետ Սերժ Սարգսյանը հրաժարական տվեց, քանի որ տեսավ, որ իրեն չեն ընդունում, ասաց «Ավրորա» միջազգային մարդասիրական նախաձեռնության համահիմնադիր, գործարար և բարերար Ռուբեն Վարդանյանը։

«Համակարգի նկատմամբ անվստահությունն առաջվա պես արդիական է ամբողջ աշխարհում։ Եթե խոսենք Հայաստանի մասին, ապա կարելի է ասել, որ նախկին վարչապետը (Սերժ Սարգսյանը – խմբ.), օրինակ, նույնպես հրաժարական տվեց, քանի որ տեսավ, որ իրեն չեն ընդունում»,– շաբաթ Երևանում ասաց Վարդանյանը։

Վարդանյանի կարծիքով, ամբողջ աշխարհում խնդիրն այն է, որ կորսվել են բարոյական առաջնորդները։

«Երբ զրուցում էինք աշխարհի տարբեր մասերում տարբեր մարդկանց հետ և խնդրում էինք նրանց նշել իրենց բարոյական առաջնորդներին, ոչ քաղաքական, այլ հենց բարոյական, ապա շատերը դժվարանում էին և հստակ պատասխան չունեին։ Դա ցույց է տալիս, որ այս խնդիրն արդիական է գործանականորեն ամբողջ աշխարհի համար»,– ասաց Վարդանյանը։ -0-