Նախորդ շաբաթվա կարևոր նորությունների հնգյակը (մայիսի 20–24)
10:30
25 Մայիսի 2019
ԵՐԵՎԱՆ, 25 մայիսի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը (մայիսի 20–24)։
Մայիսի 19–ին ՀՀ վարչապետ Նիկոլ Փաշինյանը հայտարարել է «Հանուն անկախ դատարանների» ակցիայի մեկնարկի մասին և կոչ է արել երկուշաբթի առավոտյան արգելափակել բոլոր դատարանների շենքերի ելքերն ու մուտքերը։ Երկուշաբթի 8։30–ից մինչև 13։30–ը վարչապետի կոչով ակտիվիստների խմբերն ապաարգելափակել են երկրի դատարանների մուտքերը։ Նույն օրը Փաշինյանը հայտարարել է, որ դատարանները չեն օգտվում հանրության վստահությունից, և եկել է դատական համակարգում «վիրահատական միջամտության» ժամանակը։ Մասնավորապես, նրա խոսքով, Հայաստանի դատավորները պետք է ենթարկվեն vetting ի։ Փաշինյանը նաև հայտարարել է, որ երկրում եկել է անցումային արդարադատության մեխանիզմների ներդրման անհրաժեշտությունը։
Լոնդոնի «Արսենալ»–ի կիսապաշտպան, Հայաստանի ազգային հավաքականի ավագ Հենրիխ Մխիթարյանը չի մասնակցի Եվրոպա լիգայի` «Չելսի»–ի հետ եզրափակիչ խաղին, որն անցկացվելու է Բաքվում։
ԵՊՀ ռեկտոր Արամ Սիմոնյանը հրաժարական է տվել ու պարզաբանել պատճառները։
Հայաստանի բարձրագույն դատական խորհրդի նախագահ Գագիկ Հարությունյանը հրաժարական է տվել։ Միաժամանակ Հարությունյանի եղբայրն` Արզուման Հարությունյանը հրաժարականի դիմում է ներկայացրելԱԱԾ տնօրենի տեղակալի պաշտոնից։
Շիրակի մարզում 59-ամյա քաղաքացին դանակահարել է քրոջը, վնասվածքներ պատճառել հորաքրոջ տղային, իսկ հետո ինքնասպան եղել։–0–
Հայկական ԶԼՄ–ներում և սոցցանցերում այս օրերին մեծ աղմուկ է բարձրացել օտարերկրյա պետություններում ՀՀ ռեզիդենտ ֆիզիկական անձանց ստացած հարկվող եկամտից եկամտային հարկը վճարելու թեման
BOGG PLC ֆինանսական խմբի խորհրդի ղեկավար Մել Քարվլը ներկայացրել է հաճախորդներին խմբին Ամերիաբանկի միանալու առավելությունները և բարձր է գնահատել Հայաստանի տնտեսական հեռանկարները․ ՎԻԴԵՈ