Մխիթարյանը չի պատրաստվում լքել «Բորուսիան». ԶԼՄ

ԵՐԵՎԱՆ, 27 հուլիսի. /Նովոստի–Արմենիա/. Դորտմունդի «Բորուսիայի»  և Հայաստանի հավաքականի կիսապաշտպան Հենրիխ Մխիթարյանը չի ցանկանում լքել գերմանական ակումբը, հայտնում էն ռուսական ԶԼՄ–ները` հղում անելով Build թերթին։

Նա հայտնել է, որ չի ցանկանում լքել «Բորուսիա» ակումբը, քանի որ ընդհանուր լեզու է գտել թիմի նոր ղեկավար Թոմաս Տուխելի հետ։

«Թոմաս Տուխելի գալուստը իսկապես դրական է ազդել ինձ վրա։ Սակայն թիմում մնալու որոշումն ինքս եմ ընդունել։ Ցանկանում եմ բոլորին ապացուցել, որ լավ ֆուտբոլիստ եմ։ Մենք զրույց ենք ունեցել Տուխելի հետ, և ես միանգամից զգացի, որ նա ուժեղ մարզիչ է և լավ է հասկանում ֆուտբոլը», – Bild–ը մեջբերում է Մխիթարյանի խոսքը։

Ավելի վաղ հայտնել էին Մխիթարյանի նկատմամբ Թուրինի «Յուվենտուսի» և մի շարք այլ եվրոպական ակումբների հետաքրքրության մասին, սակայն խոսակցություններից այն կողմ գործը չի անցել։ -0-