ԵՐԵՎԱՆ, 28 օգոստոսի. /Նովոստի–Արմենիա/. Հայաստանի հավաքականը հինգ մարզաձևերում յոթ մեդալ է վաստակել Նանկինում ավարտված պատանեկան Երկրորդ Օլիմպիական խաղերում, հայտնում է Սպորտի և երիտասարդության հարցերի նախարարության մամուլի ծառայությունը։
Հայ մարզիկները երկու ոսկե մեդալ նվաճեցին ծանրամարտում, երկու «արծաթ» (գնդակային հրաձգություն և հունահռոմեական ըմբշամարտ) և 3 բրոնզե մեդալ (1 բռնցքամարտ և 2 ազատ ոճի ըմբշամարտ):
Հայաստանի հավաքականը Նանկինից հայրենիք է վերադառնալու 2014 թ. օգոստոսի 30-ին՝ ժամը 14.00-ին: Նրանց դիմավորելու համար ՀՀ սպորտի և երիտասարդության հարցերի նախարարության ու Հայաստանի ազգային օլիմպիական կոմիտեի տրամադրած ավտոբուսները Հանրապետության Հրապարակից շարժվելու են ժամը 13:00-ից:
Պատանեկան Օլիմպիական խաղերը Նանկինում անցկացվել են օգոստոսի 16-28–ը։ Ընդամենը մրցումներում խաղարկվել է 222 մեդալների կոմպլեկտ 28 մարզաձևերում։
Երրորդ ամառային պատանեկան Օլիմպիական խաղերը կանցնեն 2018 թվականի սեպտեմբերի 11-23–ն արգենտինյան Բուենոս Այրեսում։ Ձմեռային պատանեկան Օլիմպիական խաղերը կանցկացվեն 2016 թվականին Նորվեգիայի Լիլեհամերում։ -0-
