Հայաստանում մեկնարկել է հաշմանդամային սպորտի զարգացման հայ–ամերիկյան ծրագիրը
ԵՐԵՎԱՆ, 6 հունիսի. /Նովոստի–Արմենիա/. Հայաստանում մեկնարկել է հաշմանդամային սպորտի զարգացման հայ–ամերիկյան ծրագիրը` նոր մարզական ուղղությունների ներդրմամբ։ Ծրագրի մեկնարկի մասին հայտարարվել է Երևանի քաղաքապետարանում կազմակերպված մամուլի ասուլիսի ժամանակ։
«Սա նոր ծրագիր է, որի իրականացման դեպքում Երևանի քաղաքապետարանն իր պատրաստակամությունն է հայտնում հաշմանդամ մարդկանց հետ համագործակցության հարցում ամենատարբեր ուղղություններում», – ասել է Երևանի քաղաքապետի օգնական Սամվել Մերտաջյանը։
Հայաստանի հաշմանդամների «Փյունիկ» միության նախագահ Հակոբ Աբրահամյանն իր հերթին տեղեկացրել է, որ ծրագիրն իրենից տարբեր ոլորտների մասնագետների միջև փորձի փոխանակման հարթակ է ներկայացնում։ Մասնավորապես` տասը հայ մասնագետներ շուտով կմեկնեն ԱՄՆ, իսկ ամերիկացի փորձագետներն արդեն Երևանում են։
«Ես չափազանց կարևորում եմ Երևանի քաղաքապետարանի աշխատանքը, որը վերջին երկու տարում հասել է աննախադեպ արդյունքների հաշմանդամների իրավունքների պաշտպանության գործում։ Երևանում արդեն կա մոտ 500 թեքահարթակ, և դրանց թիվը կավելանա, կարևոր է նաև այն, որ այդ աշխատանքն իրականացվում է հասարակական կազմակերպությունների հետ սերտ կապի միջոցով», – ասել է Հակոբյանը։
«Սա փորձի փոխանակման բազմակողմանի ծրագիր է, որն ուղղված է սպորտային քաղաքականության առաջխաղացմանը։ Մեր նպատակն է հարաբերություններ և մասնագիտական կապեր հաստատել մեր հայ գործընկերների հետ և Հայաստանում զարգացնել հաշմանդամային սպորտը», – նշել է ամերիկյան պատվիրակության անդամ Սյուզի Քրայմզը։
Նա բարձր է գնահատել հայկական իշխանությունների աջակցությունը հասարակական ակտիվ կյանքում հաշմանդամ մարդկանց ներգրավման գործում, և իր գործընկերների անունից պատրաստակամություն է հայտնել այս ծրագրի շրջանակներում կիսել փորձը ինչպես հաշմանդամային սպորտի ռազմավարության ձևավորման և կառավարման, այնպես էլ տեխնիկական հմտությունների ձևավորման գործում։
Նա կարևորել է նաև, որպեսզի հաշմանդամ երիտասարդները հասկական մանկուց սպորտով զբաղվելու անհրաժեշտությունը, քանի որ սպորտային ակտիվությունը թույլ է տալիս մարդկանց ձեռք բերել կենսական հմտություններ, ինչն իր հերթին ավելացնում է ուսում ստանալու կամ աշխատանքի անցնելու հնարավորությունները։–0–
